Neft Emalı Zavodunda baş verən yanğın nə üçün gizlədildi?
Son günlər Şimal Elektrik Stansiyasında (ES) , bu gün isə Samux ES-da baş verən yanğınla bağlı məlumat yayılıb.
Yanğının qarşısını almaq üçün Azərenerji-nin və Fövqəladə Hallar Nazirliyinin ( FHN ) rəhbərliyi hadisə yerində olublar.
NUH.az-a daxil olan məlumata görə, noyabrın 11-də gecə saat 23-00 radələrində Neft Emalı zavodunda güclü yanğın olub.
Yanğın o dərəcədə təhlükəli olub ki, hadisə yerinə 27 yanğınsöndürən maşın və 8 ambulans gətirilib. Yanğın baş verəndən 30 dəqiqə sonra hadisə yerinə FHN şefi Kəmaləddin Heydərov gəlib.
Mənbənin məlumatına görə, səhər saat 04-00 radələrində yanğın çox çətinliklə söndürülüb.
Çox maraqlıdır ki, ölkənin ən iri strateji obyektlərindən birində baş verən yanğın nə üçün gizlədilib ?
Qarşı tərəfin mövqeyini öyrənmək üçün telefon əlaqəmiz (+99412) 521 23 21 alınmadı.
NUH.az