Dərc edilib: 28-11-2018

https://www.nuh.az/18086-.html

Azərbaycan prezidenti Çeçenistana səfər edəcək

28.11.2018 07:34:07

Siyasət

“Mən atam Heydər Əliyevin xatirəsinə olan belə hörmətə və belə gözəl bağın yaradılmasına görə təşəkkürümü bildirmək istərdim”.


“Qafqazinfo” xəbər verir ki, bunu prezident İlham Əliyev noyabrın 27-də Çeçenistan lideri Ramzan Kadırovun rəhbərlik etdiyi nümayəndə heyəti ilə görüşdə deyib.

Dövlət başçısı bildirib ki, bu, bizim hamımız üçün çox vacibdir: “Çox minnətdaram və öz tərəfimdən demək istərdim ki, Azərbaycanda da, həmçinin xalqınız üçün ən çətin illərdə xalqı tərəqqi yolu ilə aparan və öz dini, öz xalqı və gələcək naminə şəhid kimi özünü qurban verən Çeçenistan Respublikasının rəhbəri Hacı Əhməd Kadırovun xatirəsinə böyük hörmətlə yanaşırlar. Siz bilirsiniz ki, valideynlərimizi də yaxın münasibətlər bağlayıb. Biz bu ənənəni davam etdiririk. Belə də olmalıdır. Əminəm ki, irəliyə doğru gedəcəyik və əlbəttə, böyük məmnuniyyətlə Sizin dəvətinizi qəbul edirəm, səfər edəcəyəm”.

NUH informasiya agentliyi səhifəsindən çap edilib