“15 yaşına qədər qarın dolusu çörək yeməmişəm…”
Qazaxıstan prezidenti Nursultan Nazarbayev hesab edir ki, həyatın çətinlikləri ona müsbət təsir göstərib.
Virtualaz.org Qazaxıstan mətbuatına istinadən xəbər verir ki, bu barədə o, bu gün Astanada keçirilən Vətəndaş forumunda deyib.
Dövlət başçısının sözlərinə görə, o, həyatın bütün çətinliklərindən keçib. “Mən kənd uşağıyam və müharibədən sonra tam yoxsulluq şəraitində yaşamışam. Geyməyə heç nə tapılmırdı, 15 yaşıma qədər yadıma gəlmir ki, doyunca çörək yeyim. Lakin ola bilsin ki, elə buna görə belə sağlam olmuşam”, – o qeyd edib.
Qazaxıstan lideri gənclərə tövsiyə edib ki, əməyə hazır olsunlar və ədalətsizliklə mübarizə aparmağ öyrənsinlər.