Dərc edilib: 30-11-2018

https://www.nuh.az/18119-.html

Azərbaycanda yeni turizm bölgəsi yaradılır - Sərəncam

30.11.2018 07:47:19

İqtisadiyyat

Naxçıvan Ali Məclisinin Sədri Vasif Talıbov noyabrın 29-da Ağbulaq Kənd Turizm-İstirahət Bölgəsinin yaradılması haqqında sərəncam imzalayıb.

“Qafqazinfo”nun məlumatına görə, sərəncama əsasən, Naxçıvanın Şahbuz rayonunda Ağbulaq Kənd Turizm-İstirahət Bölgəsi yaradılacaq.

Naxçıvan Turizm Departamentinə Ağbulaq Kənd Turizm-İstirahət Bölgəsinin turist marşrutuna daxil edilməsi və tanıdılması ilə bağlı tədbirləri görmək, Ekologiya və Təbii Sərvətlər Nazirliyinə Ağbulaq Kənd Turizm-İstirahət Bölgəsində  təbiətin qorunmasını və yaşıllıq sahələrinin genişləndirilməsini təmin etmək, Nazirlər Kabinetinə isə bu sərəncamdan irəli gələn məsələləri həll etmək tapşırılıb.

NUH informasiya agentliyi səhifəsindən çap edilib