Dərc edilib: 12-12-2018

https://www.nuh.az/18298-.html

Azad Rəhimovun qohumunu 5-ci mərtəbədən atan şəxsdən xəbər var

12.12.2018 16:09:13

Kriminal
Dekabrın 9-da Nəsimi rayonu ərazisində Adelya Taxvelinin yaşadığı mənzilin eyvanından özünü atması barədə daxil olmuş məlumatla əlaqədar dərhal rayonun polis və prokurorluq orqanlarının əməkdaşları tərəfindən istintaq və əməliyyat tədbirləri görülüb.
DİN-dən verilən məlumata görə, araşdırmalarla A.Taxvelinin münaqişə zəminində əri Ramiz Taxveli tərəfindən qəsdən eyvandan atılması müəyyən edilib. R.Taxveli tutulub, ona məxsus "Lexus” markalı avtomobilə baxış zamanı 5,647 qram marixuana aşkar edilərək götürülüb. 
Faktla əlaqədar Cinayət Məcəlləsinin 120-ci (qəsdən adam öldürmə) və 234-cü (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə cinayət işi başlanıb. 
Qeyd edək ki, Taxveli Ramiz Pərviz oğlu "Buta Palace”ın art direktorudur. Adelya Taxveli isə Gənclər və idman naziri Azad Rəhimovun yaxın qohumudur.

NUH informasiya agentliyi səhifəsindən çap edilib