Bakıda bacı və qardaşı zorlamaqda təqsirləndirilən şəxsin məhkəməsi başlayır.

 

“Qafqazinfo”nun verdiyi xəbərə görə, hadisə paytaxtın Suraxanı rayonunda baş verib. 

Kirayədə qalan 2005-ci il təvəllüdlü Viktoriya ilə eyni həyətdə yaşayan İsmayılov Taleh onunla zorla intim əlaqədə olub. İstintaq zamanı T.İsmayılovun Viktoriyanın qardaşı Yeqora qarşı da eyni hərəkətləri etdiyi məlum olub. Bacı və qardaş bu işdə zərərçəkmiş kimi tanınıblar.

Rus əsilli olan uşaqlar Ağstafa rayon sakinidirlər.

Təqsirləndirilən T.İsmayılov həyat yoldaşı ilə birgə yaşayıb. Onlar ümumi həyətdə başqa fərdi yaşayış evlərində kirayədə yaşayıblar və qonşu münasibətləri olub.

İttihama görə, T.İsmayılov uşaqların valideynlərinin evdə olmayan vaxtlarında onlara qarşı zorla seksual xarakterli hərəkətlər edib.

Onun barəsindəki cinayət işinin istintaqı yekunlaşaraq baxılması üçün Bakı Ağır Cinayətlər Məhkəməsinə göndərilib. 

Məhkəmə istintaqı hakim Ramella Allahverdiyevanın sədrliyi ilə dekabrın 27-də başlayacaq.