ABŞ-ın Nyu-Cersi ştatının Çethem bölgəsinin bələdiyyə sədrliyinə türk əsilli Tayfun Selen seçilib.

“Qafqazinfo” DHA-ya istinadən xəbər verir ki, T.Selen ABŞ-da bu vəzifəyə seçilən ilk türk kimi də tarixə düşüb.

Türkiyənin Nyu-Yorkdakı Konsulluğu rəsmi açıqlama yayaraq onu təbrik edib.

Qeyd edək ki, İstanbul Texniki Universitetindən məzun olan 47 yaşlı memar 15 ildir Çethemdə yaşayır. O, hazırda “Lincold Educational Services” adlı məktəbin direktor müavinidir.