Dərc edilib: 13-04-2019

https://www.nuh.az/19383-.html

Prezident qızına yüksək vəzifə verdi

13.04.2019 11:01:15

Dünya

Özbəkistan prezidenti Şavkat Mirziyoyevin böyük qızı Səidə Mirziyoyeva yüksək vəzifəyə təyin olunub.

“Qafqazinfo” Özbəkistan KİV-nə istinadən xəbər verir ki, Səidə Mirziyoyeva Prezident Administrasiyası yanında İnformasiya və Kütləvi Kommunikasiya Agentliyinin direktor müavini təyin olunub. O, dövlət orqanlarının informasiya xidməti ilə əlaqəsini təmin edəcək, Özbəkistanın xaricdə müsbət imicinin formalaşmasına məsul olacaq. Səidə bu vəzifədə Nərgiz Səidovanı əvəz edib.

Qeyd edək ki, Şavkat Mirziyoyevin üç övladı var. Kiçik qızı Şahnoza Mirziyoyeva Təhsil Nazirliyinin Məktəbəqədər Təhsil Müəssisələrinin fəaliyyəti üzrə idarə rəisinin müavinidir. Prezidentin oğlu Miralişer isə məktəblidir.

NUH informasiya agentliyi səhifəsindən çap edilib