Dərc edilib: 30-05-2019

http://www.nuh.az/19785-.html

Jurnalistin işi yazmaqdır, cənab Amaşov, tənbeh olunmaq yox

30.05.2019 14:28:37

Mədəniyyət

Son illər kim gəldi jurnalistlərə təlim keçib nəyisə başa salmağa çalışır. Daha doğrusu, hansısa sahədə ciddi problem varsa və bu problemlər durmadan işıqlandırılırsa, o zaman həmin qurum dərhal hərəkətə keçib jurnalistləri toplayır ki, amandı etməyin, eləməyin. Ən maraqlısı budur ki, jurnalistlərin toplanması prosesi Mətbuat Şurası rəhbərliyinin əli ilə baş tutur.

Şəxsən Əflatun Amaşovun iştirak etdiyi belə təlimlər zamanı problemlər içərisində boğulan qurum rəsmisi jurnalistlərə müəyyən etiraflar etməklə guya vəziyyətə nəzarət etdiklərini anlatmağa çalışır. Ara-sıra da mətbuatı günahlandırırlar ki, guya biz də nəyisə düz etmirik. Ardınca MŞ sədri Amaşov çıxış edir və o da eyni konteksdə eyni hədəfi vuraraq guya ki, yaranmış vəziyyətə nəzarət etdiyini uca səslə bildirir, jurnalistləri də tənbeh edir. Bu gün belə tənbehli təlimlərdən birini Təhsil Nazirliyi təşkil edib.

 

 

5-10 jurnalist dostlarımı da redaksiyalar ora göndərib ki, kiminsə könlü xoş olsun. Guya bu təlimdə Firudin Qurbanov jurnalistlərə nəsə öyrədəcək, nəsə aşılayacaq. Əflatun Amaşov isə nəyi yazmaq olar, nəyi olmaz kimi göstərişlər və tapşırıqlarını verəcək. Ümumiyyətlə, bu nə yanaşmadır? Jurnalistə nəyi necə yazmaq lazımdır, nəyi yazmaq olmaz kimi fikirlər irəli sürmək hansı jurnalistika prinsipidir?

Əgər hadisə varsa, jurnalist onu yazacaq. İstintaq aparılırsa bunu məhz o qurum açıqlayacaq və yenə də jurnalist yazacaq. Çünki, jurnalistin işi yazmaqdır. Bir sözlə qaranlıq qalan nəysə olmamalıdır. O zaman nə Amaşovun təliminə ehtiyac qalmaz, nə də, Firudin Qurbanov mətbuatı üstüörtülü günahlandırmaz. İllərdir saysız hadisələr baş verir, jurnalistlər də işıqlandırır. Aşağı-yuxarı qurumlarda problem hansısa formada həll olunur və sonra günahkar yenə jurnalist çıxarılır.

 

 

Bu nə deməkdir? Təhsil sistemində baş verən son Elina olayinın sonucu nə oldu? 2 aya yaxındır hadisə baş verib nəticə nədir? Ondan əvvəlki hadisələrin sonucu barədə hansı qurum çıxıb nəysə dedi? Əflatun Amaşov çıxıb o qurumlara niyə irad bilmir ki, jurnalistləri nədən informasyasız qoyursuz? Jurnalisti günahlandırmağa nə var ki… Aşağı-yuxarı Amaşovun sözünə kim baxmasa, sonucu bəllidir – reket damğası özü də soyuq-soyuq…

Təki… Təhsil nazirinin müavini Firudin Qurbanov etiraf edib ki, bəzi müəllimlərin psixoloji problemi var. Biz bunu illərdir deyirik də, yazırıq da. Bu indinin problemi deyil və heç Qurbanovun həll edə biləcəyi məsələ də deyil. Savadsız, psixoloji problemi başdan aşan müəllim ordusu var. Adam deyir ki, 10 ildən sonra dünyada başqa sistem olacaq. Nazir müavinin dediklərindən belə anlaşılır ki, bizim təhsil sistemimiz 10 il sonraya hesablanıb. Guya 10 ildən sonra əla olacaq.

 

 

Vallah gülüncdür. Bu nazir müavini anlamır ki, dünya dayanmır, daima inkişafdadı. Dayanan isə bizik. Təhsil elə bir sistemdir ki, onun 10 ildən sonrası və ya əvvəli olmur. Bu biznes deyil, qurasan 10 ildən sonranı hesablayasan ki, gəlir gətirəcək. Hər il minlərlər uşaq sizin o dediyiniz psixoloji problemi olan müəllimlərin şinelindən çıxıb həyata atılır.

Onlara deyə bilmərik ki, gözləyin, islahat aparırıq, o psixoloji problemli müəllimdir, ona baş qoşamayın. Üstəlik, o müəllimin şinelıindən çıxan psixoloji problemli şagird 3 ildən sonra ailə sahibi olur. 1 ildən sonra övladı dünyaya gəlir.

Psixoloji problemli müəllimin şinelindən çıxmış ata və ya ana, dünyaya gətirdiyi uşağa necə tərbiyə verə bilər? 10 il yox lap 50 il də sistemləşdirməyə çalışsanız da alınmayacaq. Çünki çörəyi çörəkçiyə verirlər, ayaqqabı ustasına deyil, atam balası… Mətbuat Şurasının sədri Əflatun Amaşov hələ də mətbuat nümayənldərlərinə məsləhət verir ki, belə etməyin, elə edin.

Məncə, bəsdi Amaşov. Siz də bilirsiz ki, təhsil sistemində sistemli, dərin islahat aparılmalıdır. Məktəb direktorlarının 90 faizinin təhsildən, psixologiyadan, tərbiyyədən, rəftardan xəbəri yoxdu. Ona görə də, jurnalistləri qaralamayın, jurnalistikanı gözdən salmayın.

Hər əlinə qələm alan jurnalist deyil, bunu bildik. Amma hər əlinə qələm alan da jurnalistikadan xəbərsiz deyil. Biz jurnalistikanın nə olduğunu əla bildiyimiz kimi, o məktəb direktorlarının, psixoloji problemi yerində olmayan müəllimlərin məktəbə necə ayaq açdıqlarını da, onları bu posta təyin edən Rəşadların da kimlyini əladan da əla bilirik. Odur ki, məncə bəs edər.

Gəlin bir-birimizi ifşa etməkdənsə konkret işə, əmələ keçək. Dünən təhsil naziri Misir Mərdanov idi, bu gün Ceyhun Bayramovdur, sabah da məsələn Qasım Qulamov olacaq. Fərq etməz. Əgər onların heç biri təhsili sistemləşdirə bilmirsə deməli burda nəsə bir əmma var. Əmma bəllidir və odur ki, təhsildə rüşvətə, idarəsizliyə, savadsızlığa son soymaq lazımdı.

Məktəb direktorları peşəkar olmalıdır. Əgər Təhsil naziri Ceyhun Bayramovun, Bakı şəhəri üzrə Təhsil İdarəsinin müdiri Rəşad Tağıyevin bir 45 dəqiqə belə pedaqoji stajı yoxdursa, siz və ya biz nəyi müzakirə edirik. Ola bilsin ki, Ə.Amaşov üçün belə danışmaq rahatdı. Məktəbli oğlu yox, nəvəsi yox. Amma bizim övladlarımız hər gün bu sistemsiz təhsilin qurbanlarıdır. Kimi aldadırıq? Jurnalistlər problemləri yazmasa məktəblər gestapoya çevrilər. İnanmırsız? Gəlin yoxlayaq… Söhbətin sonu

Ədil Hüseynli

Bizimxeber.Az

NUH informasiya agentliyi səhifəsindən çap edilib