Məmmədyarov Vaşinqtonda həmsədrlərlə görüşdü
Xarici İşlər naziri Elmar Məmmədyarov Vaşinqtonda ATƏT-in Minsk qrupu həmsədrləri Stefan Viskonti, Endryu Şöfer və İqor Popovla görüşüb.
“Qafqazinfo”nun məlumatına görə, bu barədə XİN-in mətbuat katibi Leyla Abdullayeba tvitter mikrobloqunda yazıb.
Görüşdə ATƏT-in fəaliyyətdə olan sədrinin şəxsi nümayəndəsi Anjey Kaspşik də iştirak edib.
Qeyd edək ki, həmsədrlər iyunun 19-da Ermənistan Xarici İşlər naziri Zöhrab Mnasakanyanla görüşüblər. Bu gün həmsədrlərin iştirakı ilə Ermənistan və Azərbaycan XİN rəhbərlərinin görüşü olacaq.