Vətəndaş nazirdən kömək istəyir
Suraxanı rayonu, Əmircan qəsəbəsi, M.F.Axundov küçəsi, ev 4 ünvanında yaşayan Eyvazov Tofiq Kamran oğlu daxili işlər naziri, general-polkovnik Vilayət Eyvazova müraciət edib.
NUH.az-a daxil olan müraciəti olduğu kimi dərc edirik.
Cənab nazir !
Yazıb Sizə bildirmək istəyirəm ki, məni - Eyvazov Tofiq Kamran oğlunu 2011-ci ilin dekabrın 19-da, saat 15-00-da Səbail Rayon Polis İdarəsinin ozamankı rəisi İlqar Mahmudovun ( keçmiş milli təhlükəsizlik naziri Eldar Mahmudovun əmisi oğlu ) dəvəti ilə idarəyə çağırdılar.İdarədə məndən baş müstəntiq Müslüm Quliyev izahat aldı. Sonra gözləmədiyim halda 3 polis ( biri zabit) qollarıma qandal vurub zirzəmiyə apardılar. Üstümdə olan:
1. 1000 (min ) ABS dolları pulumu,
2. Blek Berli VİP telefonumu,
3. Vertu telefonumu,
4. Briliyant qaşlı üzüyümü,
5. Briliyant qaşlı saatımı,
6. 300 ( üç yüz ) manata yaxın pulumu, akta qol çəkdirərək məndən aldılar.
7. S-klass mercedes avtomobilimi və avtomobildə olan 20 min dollar və 5 min funt sterlinq pulumu guya müsadirə ediblər.
Sonra mən 6 il həbsxana həyatı yaşadım. Və 2017-ci ildə azadlığa çıxdım. Mən azad olunandan sonra Səbail RPİ-ə müraciət edərək məndən götürülən əşyaların və pulun geri qaytarılmasını tələb etdim. Lakin bu günədək mənə məxsus əşyaları və pulu geri ala bilmirəm.
Bir müddət əvvəl Daxili İşlər Nazirliyinin rəhbərliyinə müraciət etmişdim. Mənim müraciətim Sizin imzanızla Bakı Şəhər Baş Polis İdarəsinə göndərildi. Orada mənə məxsus avtomobilin yeri müəyyən olundu və mənə gözlə dedilər. Ancaq hələ də mənə məxsus vəsaiti və əmlakımı ala bilmirəm. Hörmətli Vilaayət Eyvazov cənabları! Sizdən xahiş edirəm mənə məxsus əşyaların və pulun geri qaytarılması üçün müvafiq orqanlara göstəriş verəsiniz. Mən öz qanuni əmlakımı tələb edirəm.
Sizə dərin hörmətlə, Eyvazov Tofiq Kamran oğlu.