Şimşək Xalidənin təbliğat kampaniyasına start verildi
33 saylı Xətai birinci seçki dairəsi üzrə deputatlığa namizəd Şimşek Xalidə Hümbət qızı təbliğat-təşviqat kampaniyasına başlayıb.
Bu barədə NUH.az-a namizədin seçki qərargahından məlumat verilib.
Məlumat üçün bildirək ki, Şimşek Xalidə Bakı şəhərində anadan olub, Binəqədi rayonundakı 115 saylı orta məktəbi bitirib.
Deputatlığa namizəd BDU-nun mexanika-riyaziyyat fakültəsinin məzunudur.
Xalidə Şimşək Aqrar-Sənaye Nazirliyində mühəndis-proqramçı, aparıcı mühəndis vəzifələrində çalışıb.
Sonrakı illərdə Xalidə xanım Daxili İşlər Nazirliyində inspektor, baş inspektor vəzifələrində işləyib.
Onu da qeyd edək ki, Şimşək Xalidə DİN-dəki 102 xidmətinin qurucusu və rəisi olub, polis polkovnik-leytenantıdır.
Hazırda Azəriqaz İB-də 104 xidmətinin rəisidir.
Və Neft Sənaye Akademiyasında sənayenin idarəedilməsi fakültəsinin sonuncu kurs tələbəsidir.
Ailəlidir.
Xalidə Şimşəyin atası Baxışov Hümbət Murad oğlu 7, 8, 9-cu çağırış Azərbaycan SSR Ali Sovetinin deputatı olub.