Haqqımızı vermirsən, barı, dilənçi payımızı ver
Haqqımızı vermirsən, barı, dilənçi payımızı ver
Qaçaq Zakir Fərəcov
Zakir Fəcəov beyninə nə qanı vurdurur ?
Sumqayıt Şəhər İcra Hakimiyyətinin başçısı Zakir Fərəcovla bağlı son günlər yazılan qarğış-nifrət dolu şikayətləri oxuyanda yadıma məşhur “Qaçaq Nəbi” ( bəzi mənbələrdə “Atları yəhərləyin”, yaxud “Qanlı zəmi” ) filmi düşür.
Yəqin oxucu üçün maraqlı olacaq ki, mərd-qoçaq xalq qəhrəmanı Qaçaq Nəbi hara, namərd-qaçaq-çinovnik Zakir Fərəcov hara?
Filmdə bir epizod var. Müqəddəs Novruz bayramında kəndin sakinlərini qana boyayırlar və fəryad dolu bir səs eşidilir: “Ayy camaat, bayramımızı qana boyadılar..”
Bəli, iş adamlarının, sahibkarların, fəhlələrin şikayətlərində Zakir Fərəcovun onların bayramını qana boyadığı açıq hiss olunur. İnsanlar öz halal haqlarını Zakir Fərəcovdan ala bilmirlər, az qala dilənməyə məcbur olurlar. Zakir Fərəcov insanların halal haqqını dilənçi payı kimi də qaytarmaq istəmir. Zakir Fərəcov və yaxınları bayram günü şair demişkən, “noğulun-şəkərin” içində üzür. Amma Fərəc kişinin oğlu başa düşmür ki, müqəddəs Novruz bayramında onun haqqını vermədiyi işçilərin evində heç “axta zoğal” da yoxdur.
Barı, müqəddəs gündə insanların haqqını qaytar, cənab Zakir Fərəcov...Axı, o insanların qarğışı iraq olsun səni bir gün tuta bilər...sən nə qədər gizlənə bilərsən, QAÇA bilərsən bu insanlardan, ay QAÇAQ ZAKİR FƏRƏCOV...
“Qaçaq Nəbi” filmini əbəs yerə yada salmadıq. Qaçaq Zakir Fərəcov. Bəli, xeyli müddətdir Zakir Fərəcov təkcə haqqını tələb edən insanlardan deyil, həm də ölkədən QAÇAQ düşüb. Ayın 10-15 gününü ölkədə tapılmır, xarici ölkələrdə DONOR axtarır, Beyninə QAN vurdurur. Allah bilir hansı millətin qanını...
Tapdığı donorlar da hamısı kafir, namərd...Bəlkə də Zakir Fərəcovun insanlara qarşı belə namərd davranmağının bir səbəbi də bu kafir donor qanıdır. Hara qaçırsan, ay Zakir Fərəcov ?
Bəs deyirdin İramis müəllim deyib ki, Sumqayıtı yenidən qur, abad elə, səni Bakıya mer qoyacam. Bəə, nooldu...
Axı, ayın yarısını xaricdə olmaqla ölkənin böyük şəhərini necə idarə edə bilərsən ? Get evində otur, müalicə ol dəə..
Cənab İlham Əliyev ölkəni qarış-qarış gəzir, insanları qəbul edir, problemlərini dinləyir. Sən də bircə dəfə bu şikayətçilərin birini qəbul et, dinlə də.
Bəs o YAĞMUR-un kasıb işçilərinin pulunu niyə vermirsən, ay Zakir Fərəcov ?
Bəs adına qardaş dediyin türklərin şirkətinin borcunu nə vaxt ödəyəcəksən ?
Bəs 8 milyonu nə vaxt qaytaracaqsdan ?
Bayram günü bu qədər narazı insanların qarğışını necə həzm edirsən, Fərəc kişinin oğlu ?
Prezident İlham Əliyev demişkən, xalqdan qorxmursan, barı Allahdan qorx, Zakir müəllim. Müqəddəs Novruz bayramı günü çağır yüzlərlə haqqını vermədiyin insanları, bayramlarını təbrik elə, halallaş... Bəlkə səni bağışlayalar.
Son məlumata görə Zakir Fərəcov martın 17-də yenidən xaricə "qastrola" gedəcək. Görəsən, Zakir Fərəcovun tez-tez xaricə getməsinə, orda 10-15 gün qalmasına kim icazə verir?
Zakir Fərəcov şikayətçiləri nəinki qəbul etmir, hətta onları Sumqayıt şəhərinə buraxmır. Deyir sizi həbs etdirəcəm.