Millət vəkili Elnur Allahverdiyev nümunəvi addımı ilə diqqət çəkib.

"Qafqazinfo" xəbər verir ki, deputat koronavirus səbəbiylə vətəndaşları yaşlı insanlara kömək etməyə çağırıb.

Bu barədə E.Allahverdiyevin şəxsi feysbuk hesabında paylaşım edilib.

"Tək bizim deyil, bütün dünyanın sınaq qarşısında olduğu günlərdə ilk işimiz ehtiyacı olanlara imkan çərçivəsində kömək etmək olmalıdır. İçimizdə yaşlılarımız, fiziki imkanları məhdud olanlarımız, xəstələrimiz varsa, çalışaq onlara əl tutaq. Qarşıdan Novruz bayramı gəlir. Onlardan bəziləri bayram bazarlığı üçün dükana-bazara çıxmaqdan ehtiyat edə bilərlər. Gəlin, bu işi biz üzərimizə götürək. Qonşularımıza, küçə və məhəlləmizə nəzər yetirək. Ölkəmizin COVİD-19 virusuna qarşı səfərbər olduğu vaxtda, bizim də bu mübarizəyə öz vətəndaşlıq borcumuzu yerinə yetirməklə qatqımız olsun", - deyə millət vəkili paylaşımında bildirib.