Dərc edilib: 01-04-2020

https://www.nuh.az/23560-.html

Tanıdığınız imkansız ailələr varsa, mənə xəbər verin

01.04.2020 09:36:53

Müsahibə

"Bütün vətəndaşlarımızı dövlətin rəsmi qərarlarına əməl etməyə dəvət edirəm. Hesab edirəm ki, əgər biz karantin vəziyyətinin aylarla uzanmasını istəmiriksə, bu günə qədər pandemiyadan canını tapşıranlarla kifayətlənmək istəyiriksə, onda hamılıqla “evdə qal” kampaniyasına qoşulmalıyıq. Sosial təcridetmənin, virusun qarşısını almaq üçün, cəmiyyəti, insanları xilas etmək üçün ən doğru yollardan biri olduğunu nəzərə almalıyıq və əməl etməliyik".


“Qafqazinfo” xəbər verir ki, bu fikirləri Milli Məclisin vitse-spikeri Adil Əliyev şəxsi feysbuk hesabında yazıb.

"Təəssüf edirəm ki, bəzi insanlarımız hələ də məsuliyyətsiz münasibət bəsləyirlər. Hamımız dərk edirik ki, kasıb, aztəminatlı, işləməyən insanlarla bağlı problemlər var və bu problemlər dövlətimizin, hökumətimizin nəzarətindədir. Sosial paketlər, hazırlanıb paylanana qədər, imkanlı şəxslər, iş adamları insanlarımızın yanında olmalıdır. Onlara maddi mənəvi dəstək verməlidirlər. Əgər Nərimanov rayonu, 20 saylı 2-ci seçki dairəsinin ərazisində tanıdığınız imkansız, aztəminatlı ailələr varsa, zəhmət olmasa, mənə xəbər verin" - deyə, A.Əliyev bildirib.

  

NUH informasiya agentliyi səhifəsindən çap edilib