Fərəcov ya başını itirib, ya da başında ciddi PROBLEM var
Sumqayıt şəhərində ağaclar kütləvi şəkildə kəsilib.
Heydər Əliyev: " O ağacları kəsənlər elə bil mənim balalarımın başını kəsib"
Zakir Fərəcov ya başını itirib, ya da başında ciddi PROBLEM var
Məlumatı jurnalist Natiq Cavadlı dünən yayıb. O bildirib ki, ərazidə ağacların “soyqırım”ı həyata keçirilir: “Şəhər icra hakimiyyətinin başçısı Zakir Fərəcov və Ekologiya və Təbii Sərvətlər naziri Muxtar Babayevə səslənirəm, bu nə biabırçılıqdır?!”
Fakt şəhərin 45-ci məhəlləsindəki xəstəxananın arxasında qeydə alınıb.
NUH.az-ın apardığı araşdırma zamanl məlum olub ki, ağaclara qarşı “soyqırım”ı həyata keçiriən şəxs Sumqayıt şəhər icra hakimiyyətinin başçısı Zakir Fərəcovun bacısı oğlu Hüseyn Həsənovdur.
O, Şəhər Mənzil Kommunal Təsərrüfatı İstehsalat Birliyində işləyir.
Bir müddət əvvəl Zakir Fərəcovun bacısının həyat yoldaşı, Sumqayıt Nəqliyyat MMC-nin müdiri Xannı Rüstəmovun adı külli miqdarda pulu yığıb ölkədən qaçmaqda hallandı.
Başçının digər bacısı oğlu Məhəmməd Həsənov Abşeron icra hakimiyyətində at oynadır.
Deyəsən həqiqiqətən də Zakir Fərəcovun bacısı uşaqları, qohum-əqrəbası Sumqayıta qənim kəsiliblər.
Zakir Fərəcov bilmir ki, Ulu Öndər ağacları kəsən, yaşıllıqları məhv edən şəxslərə üz tutaraq " Siz elə bilin ki mənim balalarımın başını kəsmisiniz " deyib.
Mərhum Prezident digər çıxışında ağacları kəsənlər elə bil mənim qolumu kəsirlər deyib.
Görünür Zakir Fərəcov ya başını itirib, ya da başında nəsə ciddi problem var.