Parlamentin iki yeni şöbəsinə müdir təyin olundu
Milli Məclis Aparatının birləşdirilən şöbələrinin müdirləri məlum olub.
APA məlumatına görə, birləşdirilən İqtisadi qanunvericilik və Sosial qanunvericilik şöbələrinin əsasında yaradılan yeni şöbənin müdiri Məhəmməd Bazıqov təyin edilib.
M. Bazıqov bundan əvvəl İqtisadi qanunvericilik şöbəsinin müdiri olub.
Birləşdirilən Dövlət quruculuğu üzrə qanunvericilik şöbəsi ilə İnzibati və hərbi qanunvericilik şöbələrinin əsasında yaradılan yeni şöbənin müdiri Hacı Mirhəşim təyin olunub.
Beynəlxalq münasibətlər şöbəsinin müdiri də dəyişib. Rəşid İbrahimovu bu vəzifədə Protokol sektorunun müdiri İlkin Məmmədov əvəzləyib.(APA)