Belarusda prezident seçkiləri keçirilir
Bu gün Belarusda prezident seçkiləri keçirilir.
APA-nın məlumatına görə, prezident postuna 5 iddialı var.
Seçkilərdə qalib gəlmək üçün seçicilərin 50 faizindən çoxunun səsini toplamaq lazımdır. Ölkədə ümumilikdə səsvermədə hüququna malik 6,8 milyon insan var. 5,5 mindən çox seçki məntəqəsi saat 20.00-da bağlanacaq. Seçki məntəqələrinin 44-ü xaricdə yerləşir. Seçkiləri 52 beynəlxalq müşahidəçi izləyir.
Qeyd edək ki, avqustun 4-dən 8-dək erkən səsvermə keçirilib və erkən səsvermədə seçicilərin 32,24 faizi iştirak edib.