BMT Dağlıq Qarabağ münaqişəsi ilə bağlı təcili görüş keçirəcək
BMT-nin Təhlükəsizlik Şurası Dağlıq Qarabağdakı vəziyyətlə bağlı qapalı formatda təcili müzakirələr aparmağı planlaşdırır.
“Qafqazinfo” bildirir ki, bu barədə “TASS”a təşkilatdakı mənbə bildirib.
“Çox güman ki, müzakirə çərşənbə axşamı günü qapalı formatda məsləhətləşmələr zamanı baş tutacaq”, - agentliyin mənbəsi deyib.
“TASS”ın məlumatına görə, görüşün keçirilməsinə bir sıra Avropa ölkələri təşəbbüs göstərib. Məsləhətləşmələrdə Təhlükəsizlik Şurası ölkələrindən 15 diplomat iştirak edəcək.