Dərc edilib: 22-01-2021

http://www.nuh.az/27610-.html

Tbilisidə məktəblər bu tarixdə açılacaq

22.01.2021 18:03:40

LIVE

Tbilisidəki ictimai nəqliyyat və təhsil müəssisələrinin fəaliyyəti bu ilin 1 mart tarixindən etibarən bərpa ediləcək.


“Qafqazinfo” xəbər verir ki, bu barədə Gürcüstan Baş nazirinin müavini, regional inkişaf və infrastruktur naziri Maya Tskitişvili bu gün keçirdiyi brifinqdə məlumat verib.

“Martın 1-dən etibarən məktəblərin və bələdiyyə nəqliyyatının fəaliyyətinin bərpası planlaşdırılır. Şəhərlərdəki bütün açıq və qapalı bazarlar 15 fevraldan açılacaq”,-deyə Tskitişvili qeyd edib.

Eyni zamanda, Kutaisi və Rustavi şəhərlərində də məhdudiyyətlərin ləğv ediləcəyi bildirilib.

Batumi, Zuqdidi, Qori, Poti və Telavi şəhərlərində isə ictimai nəqliyyat, məktəblər, mağazalar və ticarət mərkəzlərinin fəaliyyəti fevralın 1-dən bərpa olunacaq.

Nazir ölkədə gecə küçəyə çıxmaq qadağasının martın 1-dək uzadıldığını açıqlayıb.

 

 

 

NUH informasiya agentliyi səhifəsindən çap edilib