1-ci vitse-prezident Firdovsi Umudov Kamran Məhərrəmlini xüsusi ittiham qaydasında məhkəməyə verib
Azərbaycan Güləş Federasiyasının 1-ci vitse-prezidenti, polkovnik-leytenant, Dövlət Sərhəd Xidmətinin "Sərhədçi" Olimpiya İdman Mərkəzinin rəis müavin Firdovsi Umudov NUH.az saytının baş redaktoru Kamran Məhərrəmlini xüsusi ittiham qaydasında məhkəməyə verib.
Xüsusi ittiham qaydasında şikayət ərizəsində qeyd edilir:
" 23 may 2020-ci il tarixdə NUH.az saytında dərc edilən " Həbs olunan DSX polkovnikinə federasiyanın vitse-prezidenti "krışalıq" edirmiş ? " başlıqlı yazıdakı "KRIŞALIQ etmək sözü ( krışa -dam sözündəndir ) KRİMİNAL qurumlar tərəfindən QANUNSUZ mühafizənin təmin edilməsidir.
Rus dilinin sinonimləri lüğətinə əsasən isə krışalıq etmək - ört-basdır etmək, krışası altına almaq, himayədarlıq etmək kimi izah olunur. Göründüyü kimi, yazıda Firdovsi Umudov ağır cinayət etməkdə ittiham edilir".