Dərc edilib: 13-04-2021

http://www.nuh.az/28483-.html

Niyə bəzən hava proqnozları düz çıxmır?

13.04.2021 14:10:50

Maraqlı

Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyeva bəzi hallarda proqnozların özünü doğrultmaması ilə bağlı fikirlərə münasibət bildirib.


“Qafqazinfo” xəbər verir ki, U.Tağıyevanın sözlərinə görə, beynəlxalq praktikada qəbul olunmuş göstəricilərin özünü doğrultma səviyyəsinin 94-96  faizi olması proqnozlaşdırma prosesinin mürəkkəbliyi ilə izah olunur:

"Xidmətin Bakı şəhəri üzrə proqnozunun özünü doğrultması 94,2 %, ölkənin regionları üzrə 91,8-94 % təşkil edir.
Hava proqnozu barədə dəqiqiliklə məlumat verilməsi kifayət qədər mürəkkəb məsələdir. Belə ki, elə ərazilər mövcuddur ki, bu prosesə nəzərə alınması mümkün olmayan gözlənilməz müdaxilələr ola bilər. Hər bir proqnoz üzrə bu və ya digər dərəcədə ehtimal mövcuddur.

Son onilliklərdə dünya meteorologiya elmi hava proqnozu üzrə rəqəmsal texnologiyaların inkişafı sahəsində nəzərəçarpacaq dərəcədə uğurlar əldə edib. Buna baxmayaraq, hava proqnozu hazırlanarkən səhvə yol verməmək mümkün deyil. 
Çünki ilk növbədə, atmosferin mövcud vəziyyəti barədə bizim biliklərimizin dəqiq və kifayət qədər olmaması ilə izah edilir.
Havanı proqnozlaşdırmaq üçün ilk növbədə həmin vaxtda atmosferdə hansı proseslərin baş verdiyini bilmək lazımdır".

U.Tağıyeva qeyd edib ki, iki günlük hava proqnozunun verilməsi üçün  bir neçə min kilometrlik məsafədə olan ərazilərdəki faktiki hava şəraiti haqqında məlumat olmalıdır:

"Bir həftəlik hava proqnozunun hazırlanması üçün isə bütün Yer kürəsində, o cümlədən quru və okean sahələrinin üzərindəki müxtəlif iqlim qurşaqlarında faktiki hava şəraiti barədə məlumatlar olmalıdır.

İkincisi isə, proqnozların hazırlanması üçün istifadədə olan metod və modellərin tam mükəmməl olduğunu hesab etmək olmaz. Bu da proqnozun doğrultma faizində özünü göstərmiş olur".

NUH informasiya agentliyi səhifəsindən çap edilib