Rusiyalı müxalif Aleksey Navalnı saxlanıldığı həbsxananın rəhbərliyini məhkəməyə verib.

“Qafqazinfo” xəbər verir ki, bu barədə onun sosial şəbəkə hesabında məlumat yerləşdirilib.

Bildirilib ki, buna səbəb ona “Qurani-Kərim” verilməsindən imtina olunmasıdır.

Onun sözlərinə görə, cəza çəkdiyi həbsxanada özünü inkişaf etdirmək üçün müəyyən hədəflər qoyub:

“Hədəflərimdən biri də “Qurani-Kərimi və Həzrəti Məhəmmədi dərindən anlamaqdır. Mənə “Qurani-Kərim vermirlər. bu, son dərəcə əsəb pozucudur”.

Navalnı ətrafındakı hər kəsin İslam və müsəlmanlardan danışdığını bildirib:

“Əlbəttə, bunların 99 faizi nə haqqında danışdığını bilmir. Mən də müsəlman olmayan rus siyasətçilər arasında “Qurani-Kərimi” ən yaxşı bilən olmaq qərarına gəldim. Bundan başqa, “Qurani-Kərimi təhlil etməyin bir xristian olaraq inkişafıma da töhfə verəcəyinin fərqinə vardım”.

O əlavə edib ki, həbsxanaya gələrkən çox sayda kitab gətirib, ancaq bunların hamısı “ekstremizm” yoxlamasından keçib:

“Bu yoxlamalar üç ay çəkir. “Qurani-Kərim”i ekstremizm yoxlamasından keçirmək axmaqca və qeyri-qanunidir. Buna görə həbsxana rəhbərliyini məhkəməyə verdim. Daha nə qədər səbr edə bilərəm? “Qurani-Kərim”i də oxumaq yasaqdır? Kitablar hər şeyimizdir və əgər kitab oxumaq üçün də mməhkəməyə gedəcəyəmsə, gedərəm”.