Dərc edilib: 05-05-2021

http://www.nuh.az/28656-.html

Fikrət Qoca vəfat etdi

05.05.2021 10:47:35

Günün sitatı

Azərbaycan Yazıçılar Birliyinin (AYB) birinci katibi, Xalq şairi Fikrət Qoca vəfat edib.


"Qafqazinfo" xəbər verir ki, bu barədə AYB-nin Güney Azərbaycan Şöbəsinin rəhbəri Sayman Aruz feysbukda məlumat verib. 

 

F. Qoca 85 yaşında dünyasını dəyişib.

Qeyd edək ki, Fikrət Qoca 1935-ci il avqustun 25-də Ağdaş rayonunun Kotanarx kəndində anadan olub.  

1990-cı illərdə yazdığı "Oddan keçənlər", "İnsan səviyyəsi", "Adi həqiqətlər" və s. poemalarında Azərbaycanda gedən azadlıq mübarizəsindən bəhs olunur. Onun bir sıra nəsr əsərləri də var. "Ölüm ayrılıq deyil" (1990), "Hələlik, - qiyamətədək" (2000) povestlərində 1990-cı ilin 20 Yanvar hadisələri əksini tapıb. Əsərləri bir sıra xarici dillərə tərcümə olunub.

Onun "Anacan dostum evlənir", "Könlüm", "Günay", "Gəl ey səhər", "Çiçək tapa bilmədim", "Gecə yaman uzundur", "Payız gəldi" və s. şeirlərinə musiqi bəstələnib. 

Gənclərin qəhrəmanlıq və fədakarlığından bəhs edən "Təkərlər geri fırlanır", "Yaralı çiçəklər" və "Rəssam düşünür" poemalarına görə 1968-ci ildə Azərbaycan komsomolu mükafatına, 1990-cı illər yaradıcılığına görə "Humay" mükafatına (1998) layiq görülüb. Azərbaycanın "Şöhrət" ordeni ilə təltif olunub.

NUH informasiya agentliyi səhifəsindən çap edilib