Mənəvi Dəyərlərin Təbliği Fondu və Alban-Udi Xristian dini icmasının birgə təşkilatçılığı ilə işğaldan azad olunan Laçın rayonuna səfər təşkil olunub.

"Qafqazinfo" xəbər verir ki, səfərdə, həmçinin Dini Qurumlarla İş üzrə Dövlət Komitəsinin əməkdaşları və media nümayəndələri iştirak edirlər. 

Səfərdə məqsəd Laçın rayon ərazisində yerləşən qədim alban məbədi olan Ağoğlan monastırında olmaq, Pasxa bayramını qeyd etməkdir.