Dərc edilib: 24-05-2021

http://www.nuh.az/28864-.html

Kənd sakinləri deputatı döyüb qovaladı - Video

24.05.2021 22:25:05

Hadisə

81 saylı Beyləqan seçki dairəsini təmsil edən deputat  Şahin İsmayılovun rayonun Kəbirli kəndində seçiciləri ilə görüş zamanı baş vermiş narazılıqla bağlı videgörüntülər yayılıb.


Unikal.org saytında yayılmış videoda seçicilər deputatın fəaliyyətindən narazı olduqlarını dilə gətiriblər. Eyni zamanda, bildiriblər ki, bu günə kimi millət vəkilinə yazdıqları ərizələr müsbət istiqamətdə həllini tapmayıb.

“Qafqazinfo” məsələylə bağlı Ş. İsmayılovla əlaqə saxlasa da, zənglərimizə cavab verməyib. 

Sözügedən kəndin icra nümayəndəsi Bakir Ağayev isə saytımıza bildirib ki, ötən gün kənddə şəhid bulağının açılışı olub: “Həmin açılışda da şəhid ailələri iştirak edirdilər. Bizim kənd Vətən müharibəsində 17 şəhid verib. Ailələr deputata narazılıq etdilər ki, müharibə günlərində Şahin İsmayılov onlarla maraqlanmayıb. Ona görə də deputatdan kənddən çıxıb getməsini istədilər”.

NUH informasiya agentliyi səhifəsindən çap edilib