Dərc edilib: 04-06-2021

https://www.nuh.az/28941-.html

QMİ-də ciddi narazılıq: Hacı Şahin iclası tərk etdi

04.06.2021 12:02:29

Günün sitatı

QMİ-də bu qərara görə narazılıq: Hacı Şahin iclası tərk etdi

Qafqaz Müsəlmanları İdarəsinin (QMİ) iclas zamanı məscidlərin fəaliyyəti ilə bağlı verdiyi qərarlar inanclı kəsim arasında narazılığa səbəb olub.

HİT.Az Ölkə.Az-a istinadən xəbər verir ki, qurumun rəsmi nümayəndələri bununla əlaqədar QMİ-nin toplantısında etirazını ifadə edib.

Belə ki, iclas zamanı "Təzəpir" məscidinin axundu, ilahiyyatçı Mircəfər Eyyubov idarənin səlahiyyətli şəxslərinə yeni qərarlarda yer alan müddəalarla bağlı  suallar ünvanlayıb və iradını bildirib. O, ictimai iaşə obyektlərinin fəaliyyətini əsas gətirib.

Bundan əlavə, "Məşədi Dadaş" məscidinin axundu, ilahiyyatçı Şahin Həsənlinin konfrans zalını toplantı bitməmiş etiraz əlaməti olaraq tərk etdiyi bildirilir.

Bu barədə din xadiminə yaxınlığı ilə tanınan həmkarı Cavid Pənahlı məlumat verib.

Qeyd edək ki, QMİ-nin açıqladığı yeni qərarların arasında məscidə yalnız namaz vaxtı getmək və namazı bitirdikdən sonra dərhal ibadət məkanını tərk etmək, özü ilə dəsmal, möhür, namaz xalçası gətirmək kimi bəndlərin olması, sosial şəbəkə istifadəçiləri tərəfindən narazılıqla qarşılanıb.

NUH informasiya agentliyi səhifəsindən çap edilib