Dərc edilib: 21-07-2021

http://www.nuh.az/29382-.html

Mehdiyev uduzdu:Qərib Məmmədovun akademikliyi başına dəysin

21.07.2021 15:43:50

Maqazin

Ramiz Mehdiyev seçkidə uduzdu: Qərib Məmmədov işdən çıxarıldı

Azərbaycan Milli Elmlər Akademiyasının (AMEA) Torpaqşünaslıq və Aqrokimya İnstitutuna professor Əlövsət Quliyev yenidən baş direktor seçilib.

Qaynarinfo-nun məlumatına görə, Ə.Quliyev ötən il AMEA-nın prezidenti Ramiz Mehdiyevin əmriylə işdən çıxarılmış və bu ilin mart ayında məhkəmənin hökmü ilə yenidən Torpaqşünaslıq və Aqrokimya İnstitutundakı işinə bərpa olunmuşdu. Ötən ayın sonlarında AMEA prezidenti Ramiz Mehdiyevin iştirakı ilə Torpaqşünaslıq və Aqrokimya İnstitutuna baş direktor vəzifəsinə seçkilər keçirilib. Səs çoxluğu ilə Ə.Quliyev 5 il müddətinə İnstitutun baş direktoru vəzifəsinə seçilib. 

Ə.Quliyev məsələ ilə bağlı Qaynarinfo-ya açıqlama verib. Bildirib ki, ötən ay yenidən Torpaqşünaslıq və Aqrokimya İnstitutunun baş direktoru olduqdan sonra onun vəzifəsinə icra etmiş akademik Qərib Məmmədovu rəhbəri olduğu qurumdan uzaqlaşdırıb: 

"Qərib müəllim "Oksford Universiteti"nə getdi. Təbii ki, bu zarafatdı. O, Torpaqşünaslıq və Aqrokimya İnstitutunun baş direktoru vəzifəsinə gəldikdən sonra məni institutdan çıxardı. Mən də baş direktor seçilən kimi, Qərib Məmmədovu institutdan çıxardım. Q.Məmmədovun akademikliyi başına dəysin".

NUH informasiya agentliyi səhifəsindən çap edilib