Gürcüstanda seçkilərin nəticələri: Saakaşvili 33 %
"Exit poll" nəticələrinə əsasən, hakim "Gürcü arzusu-demokratik Gürcüstan" partiyası yerli idarəetmə orqanlarına seçkilərdə liderdir.
"Qafqazinfo" xəbər verir ki, müxalif "TV Formula" kanalının sifarişi əsasında Ameirkanın "Edison Research" təşkilatı tərəfindən aparılan "exit poll" nəticələrinə əsasən, "Gürcü arzusu" 46% səs toplayıb. Eks-prezident Mixail Saakaşvilinin "Vahid milli hərəkat" partiyası 33%, sabiq Baş nazir Georgi Qaxariyanın "Gürcüstan üçün" partiyası 6% səs toplayıb.