Yeni Suraxanı Mədəniyyət evində Zəfər günü qeyd edildi
Bu gün Yeni Suraxanı qəsəbəsinin 8 mart adına Mədəniyyət evində Zəfər gününə həsr olunan tədbir keçirilib.
NUH.az xəbər verir ki, tədbirdə şəhdi ailələri, qazilər, 89 və 101 saylı orta məktəbin şagirdləri, müəllimləri, kitabxana işçiləri, Suraxanı Ağsaqqallar Şurasını sədri Arif Babayev və digər qonaqlar iştirak ediblər.
Tədbir Dövlət himninin səsləndirliməsi ilə başlayıb.
İlk çıxış edən Azərbaycan Vətən Müharibəsi Veteranlar Birliyinin sədri İlqar Rüstəmov 1-ci və 2-ci Qarabağ müharibəsində şəhidlərimizin və qazilərimizin qəhrəmanlığından danışıb.
Suraxanı Ağsaqqalar Şurasının sədri Arif Babayev öz çıxışında qeyd etdi ki, dünyanın ən güclü ordularının sırasında yer alan Azərbaycan Ordusu Ermənistanın işğalına son qoyaraq düşməni diz çökdürdü.
Çıxışlardan sonra tədbirin bədii hissəsi başladı. Şagirdlər şəhidlərə, qazilərə, vətənə həs olunmuş şeirlər söylədilər, qələbə mahnıları oxudular.
Sonda tədbirin keçirilməsində fəal iştirak edənlərə Mədəniyyət evinin direktoru Vəfa xanım FƏXRİ FƏRMANLAR təqdim etdi.