Dərc edilib: 15-11-2021

http://www.nuh.az/30543-.html

Ramiz Mehdiyevin yaxınının evindən 200 min dollar oğurlandı: 4 ay...

15.11.2021 23:55:23

Cəmiyyət

Bakıda evdən külli miqdarda oğurluq edilib. 

NUH.az  oxu.az-a istinadən xəbər verir ki, hadisə Nəsimi rayonu Dilarə Əliyeva küçəsindəki binalardan birində qeydə alınıb.
Orada yaşayan Mehdiyev Asəf Mehdiyeviçin evindən 200 000 ABŞ dolları oğurlanıb. Oğurluq hadisəsi bu ilin iyulun 1-dən noyabrın 7-nə qədər, yəni, 4 ay müddətində baş verib.
O, oğurluğu evində qulluqçu işləmiş qadının törətməsindən şübhələnir. A.Mehdiyev faktla bağlı hüquq-mühafizə orqanlarına müraciət edib.
Sayt məsələ ilə əlaqədar Asəf Mehdiyevdən açıqlama almaq üçün onun rəhbəri olduğu "Şərq-Qərb” ASC-yə də müraciət edib. Lakin A.Mehdiyevdən açıqlama almaq mümkün olmayıb.
Qeyd edək ki, Asəf Mehdiyevin AMEA prezidenti Ramiz Mehdiyevin yaxın adamı olduğu bildirilir. Belə ki, R.Mehdiyevin əksər kitabları "Şərq-Qərb” nəşriyyatında çap olunub.

NUH informasiya agentliyi səhifəsindən çap edilib