Türkiyənin İstanbul şəhərində “Best Model of The World-2021” müsabiqəsinin finalı keçirilib.

“Qafqazinfo” xəbər verir ki, Azərbaycanı müsabiqədə təmsil edən model Aydan Yeşildağ birinci yerə layiq görülüb və bununla da dünyanın ən yaxşı modeli seçilib, bəy təmsilçimiz - model Xəqani Hüseynov isə “Best Asia” tituluna sahib olub.

Qeyd edək ki, “Best Model of The World” hər il İstanbulda keçirilir. Layihənin prezidenti Erkan Özermandır.

Xatırladaq ki, Azərbaycandan ilk dəfə “Best Model of The World” titulunu 2007-ci ildə model Rüstəm Cəbrayılov, ikinci dəfə isə (2019) Nuru Əhmədov qazanıb. Onların hər biri hazırda öz model və aktyorluq karyeralarını davam etdirir.