Rusiya hərbçiləri Ukraynada qadın deputatı....
“Rusiya hərbi formasında olan silahlı bir qrup şəxs Zaporojye Vilayət Şurasının deputatı Leyla İbrahimovanın evinə basqın edib”.
“Qafqazinfo” “Ukrainskaya Pravda” nəşrinə istinadən xəbər verir ki, bu iddia ilə Krım-tatar xalqının Məclisinin üzvü Eskender Bariyev öz rəsmi feysbuk hesabında çıxış edib.
“Bu gün (martın 10-u – red.) Melitopolda 06:00-da Rusiya hərbi formasını geyinən silahlı şəxslər Zaporojye Vilayət Şurasının deputatı, Krım-tatar xalqının nümayəndəsi Leyla İbrahimovanın evinə basqın ediblər”, - deyə Bariyev qeyd edib.
O bildirib ki, deputat həmin şəxslər tərəfindən naməlum istiqamətdə aparılıb. Bununla yanaşı, onun evində axtarış aparılıb, telefonlar götürülüb.