Tədris-terapevtik Klinikasının böyük miqdarda borcu yaranıb
Tibb Universitetinin Tədris-terapevtik Klinikasının dövlətə böyük miqdarda vergi borcu yaranıb.
“Qafqazinfo”nun məlumatına görə, Klinika rəhbərliyi bir müddətdir yığılmış borcları ödəmədiyi üçün Dövlət Vergi Xidməti məhkəməyə müraciət edib. Bakı Kommersiya Məhkəməsi iddianı icraata götürüb. Məlum olub ki, Tədris-terapevtik Klinikasının dövlətə 20 min manat vergi borcu var.
Borc ödənilmədiyi təqdirdə Klinikanın direktoru Surxay Musyavevin ölkədən çıxışına məhdudiyyət qoyulacaq. Qeyd edək ki, S.Musayev professor, "əməkdar həkim" və əməkdar elm xadimidir. O, 2010-cu ildən Tədris-terapevtik Klinikasının direktorudur.
Fotoda: Surxay Musayev
Amin Nəzərli