Azərbaycan xalqına və prezidentinə 
MÜRACİƏT 

Niyə belə müraciət yazdım, çünki, xalq varsa, onun prezidentı seçilirsə,  demək, bizim dövlətimiz var. Biz öz  dövlətimizlə qürur duymalıyıq. Şəxsi ambisyalardan əl çəkməliyik. Hər birimiz öz işimizlə, əməlimizlə dövlətin  xidmətində dayanmalıyıq.  Üzdə özümüzü xidmətçi kimi göstərib öz çirkin məqsədlərimizə nail olmamalıyıq. Hər bir çirkin əməlimiz  xalqımız, millətimiz üçün qara ləkədir. Axı bizim vətəndaşlıq borcumuz var, dövlətə sədaqətli olmalıyıq. Çünki bizim QARABAĞ  boyda bir yaramız, dərdimiz var. Kiminsə mənfur əməlinə görə dövləti qınamamalıyıq. Bu dövlət kiminsə deyil, hamımızındır, elə bizimdir. Biz ona sahib durmalıyıq. Bəs bizim vətəndaşlıq mövqeyimiz harda qalıb? Bizim hikkəmizdən tökülən nifrət bir-birimizin üzərinə tökürüksə, valla düşmənə nifrət etməyə vaxtımız qalmayacaq, üzərinə nifrət yağdırmaq istəyndə nifrətimiz tükənmiş olacaq. Jan Pol Sartrın belə bir fkri var...       Ziyalını ziyalı edən xüsusiyyət, yaşadığı dövrün gərçəklərinə və ziddiyyətlərinə qarşı ortaya qoyduğu mövqedir. Bizdə bu varmı, çox təssüf ki, yox! Hələ şəxsi ambisyalar dalınca qaçırıq. Mövqe davası qururuq. Bu bizim dünya görüşümüzün zəif olması deyilmi?Başıma gələn bir hadisə ilə əlaqdar içtimayyətə məlumat vermişdim.16.08.2015-ci ildə “Semaşko” xəstəxanasından ailəmlə gecə saat 24 radələrində evə qayıdarkən heç bir qanun pozüntusu olmayan halda, yol polisi tərəfindən saxlanıldım( qanunda yol-hərəkət qaydalarını pozmadıqda saxlanılması qanuna ziddir). Saxlanma səbəbi güyya mənim maşınımın həbsdə olması göstərildi. Tərtib olunan pratokolda kəmərdən istifadə etməməyim göstərilir.  Mənə təzyiq göstərilərək pratokola imza atmağım tələb olundu, ANS, SPACE, ATV televiziya kanalları ilə hədələndim.   Həkim müayinəsindən keçməyimi tələb etsəm də nail ola bilmədim. Mənim maşınım qanuna zidd olsa da ( yəni sürücü icazə verməsə maşını polisin idarə etməsi qeyri qanunidir, yəni əks təqdirdə evakatorla aparılmalıdır. Onların təlimatında belədir.) yol polisi  tərəfindən idarə olunub cərimə meydançasına aparıldı.Səhərsi gün inspektor mayor Zeynal Seyidov hələ tanışlıqla 300 manat ona verməyim müqabilində(ödəniləcək cərimədə öz yerində) sürücülük vəsiqəmi qaytara bilər, yoxsa əks təqdirdə mənim işimin məhkəmə tərəfindən həll olunması daha çətin olacağını bildirdi.  152-1.1 maddədə  cərimə 300 azn+5 bal və ya 6 aydan 1 ilə dək müddətə məhdudlaşdırma. Protokolda cüzi miqdarda göstərilib güyya spirtli içki. Bəs hansı şərtlə mənim sürücülük vəsiqəm məhkəmə vasitəsi ilə həll olunmalıdır. Cənab Seyidov  nəyi əsas götürüb. Bu sualın cavabı varmı??Mən bu  haqsızlıqla əlaqadar mətbuatla Azərbaycan Prezidentinə müraciət edim. Sonra Vaqif Əsədovun  və Arzuman Arzumanlının məni hədələməsi barədə müraciət etmişdim. Baxılmdı! Nəticədə Vaqif Əsədov cinayət məcəlləsinin 147-1 maddəsi ilə Yasamal məhkəməsinə mənim barəmdə ittaham irəli sürüldü. əsas götürdüyü: ONLAR MƏNƏ HƏDƏ QORXU GƏLİRLƏR mənim yazdığım bu cümlə ilə güyya, cənab Əsədova böhtan atmışam. Bundan Əsədovun ürəyi soyumayıb Zeynal Seyidovun adından yeni ittaham irəli sürüldü . Əsas gətirdikləri: “cənab Zeynal müəllimin qəbuluna düşə bildim. Düzü, Zeynal müəllim məni gülərüzlə qarşıladı, təəccüb etdim ki, nə yaxşı? Əsas məsələyə keçdik. Zeynal müəllimin dərdi açıldı, başladı alverçi dilini işə salmağa... -Çətindi, amma düzələ də bilər. Ya bizə 300 manat verməlisən, 300 manat da banka ödəməlisən, ya da məhkəmə yolu ilə həll olunmalıdır. Sağ olsun məsləhət də verdi ki, polisdə məhkəmədən ucuz başa gələr. Budurmu Azərbaycan yol polisinin vəzifə borcu? “ Burda da güyya yoldaş Seyidova böhtan atmışam.      Azərbaycan Respublikasının Cinayət-Prosessual Məcəlləsinin138.2. Təqsirləndirilən şəxsin cinayət məsuliyyətinə cəlb olunması əsaslarını və onun təqsirli olub-olmamasını sübutetmə vəzifəsi ittihamçının üzərinə düşür, yazılıb.  Belədirsə, bəs niyə məndən tələb olunurdu; “sübut elə”?” yəqin hühüqşünaslar da oxuyub fikrini deyər.  Məni sentyabırdan- yanvara kimi Yasamal Məhkəməsinə süründürdülər. Mən həmişə məhkəməyə hərbi formada getsəm də, dəfələrlə hərbi qulluqçuyam desəm də, dekabırda dedilər ki, hərbi məhkəmə baxmalı imiş. Indi də hərbi məhkəməyə gedib gəlirəm. Bəs belə idisə niyə sürücülük vəsiqəmin məhdudlaşdırmasına Nəsimi Məhkəməsi baxdı? Hərbi məhkəmdə baxılması məqsədi ilə apellyasiya şikayəti etmək istəsəm də Nəsimi Məkkəməsi rədd etdi?
Bu haqsızlıqla əlaqədər  Azərbaycan Prezidentinə, Baş Prokurorluğa, Milli Təhlükəsizlik Nazirliyinə, Birinci xanım Mehriban Əliyevaya məktubla,  mətbuatla bir neçə dəfə müraciət etsəm də, bütün müraciətlərim cavabsız qalıb. Axrıncı müraciətim Prezident Adminstrasiyasından Ədliyyə Nazirliyinə gəldiyini onlar  mənə bildirdilər. Dedilər düzgün ünvana gəlməyib,  biz baxılmaq üçün DİN- nə göndərəcəyik, onlar məlumat verəcək. Bir aydır heç bir məlumat yoxdur. Bəs bu məmləkətin ədaləti hardadır. Azərbaycan prezidenti deyirdi: “Yaraşırmı inkişaf etmiş ölkədə belə haqsızlığa yol verilsin? Bir də  mətbuat işçiləri ilə görüşündə Azərbaycan Prezidenti demişdir: ”Özbaşınalıqlar haqda məlumat verin, mən də xəbər tutum”.  Mən məlumat vemişəm, bəs niyə məni bu qədər sixma-boğmaya salırlar?  Məyər Azərbaycan Prezidentinin sözü Vaqif Əsədovun, Zeynal Seyidovun yanında keçərli deyilmi? Bildiyim qədər ölkə prezidentinin nəinki verdiyi fərmanları, sərəncamları; onun şifahi tapşırıqlarına da ölkədə hörmətlə yanaşılmalıdır.    Vaqif Əsədov onda, yəni 18.08.2015-ci il mənimlə görüşəndə belə bir təklif irəli sürdü ki, mənim adımdan mətbuatda minnətdarlıq məktubu getsin və  bir də Nazir Ramil Usübova minnətdarlıq məktubu yazılsın və o məktubun bir nüsxəsi Vaqif Əsədova verilsin. Sonra mənim sürücülük vəsiqəm qaytarılacaq. Mən humanistliyi sevdiyimə görə bu fikirlə razılaşdım Vaqif Əsədov dediyini qaralama kağzızda yazıb mətbuatda verdim. Əsədov zəng edib “kişisən, qardaşımsansa, dostumsansa o qaralamanı saxla”- dedi. Mən də söz verdim, saxlayacam.  Bir dəfə məhkəmədə mənə dedi: o məktubu gətir, mənim dediyimlə qaralama ilə mətbuatda gedən eynidirsə mən səndən üzr istəyəcəm.  Mən məktubu gətirdim, məktubu oxuyandan sonra aradan çıxdı, telefona da cavab vermədi. Sonrakı məhkəmədə boynuna almadı ki, belə bir şey olub.    Vaqif Əsədov deyir: “Bu yuxarının sifarişıdir”( bilmirəm yuxarı deyəndə kimi nəzərdə tutur). Hətta mənimlə bərabər bir neçə jurnalistin məhkəmələrdə süründüyünü də deyirdi. Məqsəd mətbuatı susdurmaqdır. Hətta, deyirdi ki, mənə cinayət işi açdıracaq və hamıya elan edəcək ki, gördünüz, yol polisinə böhtan atanın aqibəti belə olur. Hörmətli Əsədov edə bilərsiniz divan var haqq yoxdu. Yəqinki haqq bir gün başını qaldıracaq və deyəcək: “Mən  burdayam, İlahi”. Onda İlahinin cəzasından qurtula bilməyəcəksiniz.     ANS,  SPACE,  ATV kanallarına müraciət edirəm. Sizin kanallarla Əsədov mənə hədə-qorxu gəlirdi. İstənilən vaxt  bu hadisəni müzakirə etməyə hazıram. Kimin hansı sifətdə olması xalıqa bəlli olsun.      Son vaxt belə hücüm var: “Şair ovu”, “Jurnalist ovu”, amma mənimki “həkim ovu” olacaq. Bəlkə bunların  məqsədləri xalqı daha da narazı salmaqdır. Özləri bilərləkdən  hakimiyyətlə xalq arasında uçrumu daha da dərinləşdirmək istəyirlər. Kim necə istəyir elə hərəkət edir. Bir vaxt Azərbaycanlı olmağımla fəxr edirdim, qürür duyurdum. Indi Azərbaycanlı olsam da Aəzrbaycanda haqq ədalət pozulur, haqqım tapdanır. Bəlkə də mən yəhudi, alman millətindən olsaydım belə haqsızlıqlarla rastlaşmazdım. Vətəndaş mövqeyim olardı. Öz yerimə tapardım və öz yerimi tutardım. Indi mənim yerimdə kimdir bilə bilmirəm, millətimi, xalqımı düşünə bilmirəm. Indi  elə şərait yaradılıb ki, gözünü açıb kənara baxa bilmirsən. İnşallah, bizlər üçün də qapı açılar. Hələ də inamla yaşayıram.

NUH.az