Gədəbəyin icra başçısı şəhid ailəsinə 1 qarış torpaq vermir
Müsahibə13 may 2021 20:21
Vətən müharibəsində şəhid olan qəhrəman hərbçilərimizdən biri də Baş çavuş Həsənov Tofiq Etibar oğludur. Moderator.az saytı olaraq şəhidlərimizlə bağlı silsilə yazılarımıza davam edirik. Bu gün əməkdaşımız şəhidimiz Tofiq Həsənovun ailəsi ilə görüşmək üçün Digahdakı evlərinə yollanıb.
Beləliklə, şəhid Tofiq Həsənovla bağlı yazını təqdim edirik:
Tofiq Etibar oğlu Həsənov 1989-cu il noyabrın 21-də Gədəbəyin Cəfərli kəndində anadan olub. Ailədə iki bacı və iki qardaş olublar. Tofiqin qardaşı da hərbçidi. Tofiq orta məktəbi bitirdikdən sonra ali məktəbə qəbul olub. Lakin ailəsinin maddi imkanı olmadığı üçün o, təhsil ala bilməyib. O, əsgəri xidmətinə yollanıb. Xidmətini başa vurduqdan sonra 2010-cu ildən Daxili Qoşunların sıralarında xidmət edib. Vətən müharibəsindən üç ay öncə isə Xüsusi Təyinatlı Bölüyə keçib. Vətən müharibəsində şəhid olan hərbçimiz doğulduğu kənddə dəfn edilib.
Şəhidimizin ailəsinin yaşadığı küçənin girişində onun şəklini vurublar və altına da “Şəhid Tofiq Həsənovun yaşadığı küçə” sözlərini yazıblar. Elə ona görə ünvanı tapmaq çətin olmur. Daha sonra şəhidin ailəsinin qapısını döyürük. Bizi Tofiqin həyat yoldaşı, övladları və qohumları qarşılayır. Həyətdə bir maşın dayanıb, soruşmağa tərəddüd etsəm də, Tofiqin olduğuna hardasa əmin oluram. Maşın Tofiqindi?-soruşanda yaxınlar təəssüflər bəli deyirlər. Qayınanası Əntiqə xanım kövrəlir: “Tofiqin maşınıdı, onu da yadigar saxlamışıq”.
Şəhidimizin həyat yoldaşı Ülviyyə xanım Tofiqin 14 il ordu sıralarında xidmət etdiyini deyir:
“Tofiq 14 il idi ki, orduda xidmət edirdi. Çox çətinliklər çəkib. Elə arzusu təhsil almaq idi, ona görə ali məktəbə qəbul olub, amma ailəsinin maddi imkanı olmayıb onu oxutsun. Tofiq təbiət elmlərini çox sevirdi. Özüm bağça müəlliməsiyəm elə yaxınlarının vasitəsilə tanış olub, 2013-cü ildə ailə qurduq. Tofiq son bir neçə ili Zaqatalada xidmət edirdi və biz də orda yaşayırdıq. Amma Vətən müharibəsi başlamazdan üç ay öncə Xüsusi Təyinatlı Qüvvələrə keçib. Bunu biz bilmirdik”.
Ülviyyə xanım deyir ki, Tofiq sonuncu dəfə sentyabrın 25-də evə gələrək onlarla görüşüb:
“Sentyabrın 25-də evə gəlib uşaqlarla görüşdü. Daha sonra hərbi hissəyə qayıtdış Dedi ki, “mən özüm sizinlə əlaqə saxlayacam, narahat olmayın”. Biz hələ də müharibə olacağını bilmirdik. Elə oldu ki, döyüşlər başladı və biz Tofiqdən nigaran olmağa başladıq. Sentyabrın 30-da isə Tofiqin şəhid xəbəri gəldi. Biz dərhal Gədəbəyə yola düşdük. Kəndə çatanda gördüm ki, artıq onun tabutunu gətiriblər. Gecəni saxladıq və səhəri gün doğulduğu kənddə böyük izdihamla dəfn edildi”.
Şəhidimizin həyat yoldaşı indi həyat yoldaşından yadigar qalan iki övladını böyütməyə çalışdığını deyib:
“Tofiqdən sonra ancaq məqsədim övladlarımı onun adına layiq böyütməkdi. Qızım Melisanın 6 yaşı var, həkim olmaq istəyir. Oğlum Tunarın isə hələ dörd yaşı var, çox şeyi başa düşmür”.
Ülviyyə xanım bizimlə söhbəti zamanı Gədəbəy İcra Hakimiyyətinin onlara qarşı laqeyd münasibətindən də gileyləndi:
“Küçənin girişində Tofiqin fotosunu özüm düzəltdirib ora vurmuşam. Bu şəkili küçənin girişinə vurmaq üçün həm Mehdiabad, həm də Digah bələdiyyəsinə müraciət etdim, amma heç kim köməklik etmədi. Gədəbəy İcra Hakimiyyəti isə Tofiqə qarşı çox biganə oldu. Tofiq Cəfərli kəndinin tək şəhididi, amma ümumilikdə Gədəbəy Vətən müharibəsində 44 nəfər şəhid verib. Dedim ki, Tofiqin adına kəndlərində bir Şəhidlər bulağı tikək, amma buna icazə vermədilər. Daha sonra istədim ki, rayonun Şəhidlər Xiyabanına Tofiqin şəkili vurulsun, amma bunu da edən olmadı. Biz burda qayınımın evində yaşayırıq, evimiz yoxdu. İcra Hakimiyyətinə müraciət etdim ki, Cəfərli kəndində bizə həyatyanı torpaq ayırın oğlum böyüyəndə orda özünə ev tiksin. Bunu da etmədilər. İndi bizə bir qarış torpaq verməyi qıymayan Gədəbəy İcra Hakimiyyəti bilmir ki, bu qədər oğullar torpaq uğrunda şəhid oldular?!!”
Şəhidimizin qaynanası Əntiqə xanım Tofiqin ən sevimli kürəkəni olduğunu deyir:
“Üç kürəkənim var, amma onlardan ən sevimlisi Tofiq idi. Çox ailəcanlı, tərbiyyəli insan idi. Bizim doğum günümüz eyni gündü. Həmişə doğum günümüzü kürəkənimlə birlikdə keçirirdim. İndi onun yoxluğu mənə o qədər təsir edir ki, hər gün ağlayıram. (Ağlayır) Allah cəmi şəhidlərimizə rəhmət eləsin!”.
Qeyd edək ki, Tofiq Həsənov Xidmət etdiyi dövrdə “Qüsursuz xidmətə görə” medalı ilə təltif edilib. Şəhid olandan sonra isə ölkə başçısı tərəfindən “Vətən uğrunda” və “Kəlbəcərin azad olunmasına görə” medalları ilə təltif edilib.
Allah cəmi şəhidlərimizə rəhmət eləsin!
Vasif Əlihüseyn
Fotolar müəllifindir
Oxşar xəbərlər
- Respublika Pediatriya Mərkəzi yaradıldı - Direktor o oldu+Fotolar
19 aprel 2024 11:42
- Mikayıl Cabbarova yeni müavin təyin edildi - Sərəncam
18 aprel 2024 11:56
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 2024 12:08
- Akademik Zərifə Əliyevanın anım günüdür
15 aprel 2024 20:43
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
15 aprel 2024 10:27
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 2024 15:24
- Narkotik satan AXUND həbs olundu - Foto
13 aprel 2024 13:04
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 2024 09:29
- Məmurla həbs olunan iş adamı arasında nə baş verib? - "Restoranda 500 min verdim" (TƏFƏRRÜAT)
10 aprel 2024 18:21
Xəbər lenti
- İmran Əliyev həbs edildi
19 aprel 20:39
- İlham Əliyev 4 kəndi də qaytardı
19 aprel 20:32
- Əliyevlə Putin Moskvada görüşəcək
19 aprel 20:22
- Kəmaləddin Heydərovdan yüksək vəzifəyə təyinat (FOTO)
19 aprel 12:15
- Sülhməramlıların Qarabağdakı missiyası başa çatıb - Rusiya KİV
19 aprel 11:56
- Respublika Pediatriya Mərkəzi yaradıldı - Direktor o oldu+Fotolar
19 aprel 11:42
- Mikayıl Cabbarova yeni müavin təyin edildi - Sərəncam
18 aprel 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 11:07
- Rusiyanın sülhməramlı kontingenti Azərbaycanı tərk edir - Video
17 aprel 11:26
- İlham Əliyevə telefon açıb xahiş etdi
17 aprel 10:38
- Hadi Rəcəbli vəfat etdi - Yenilənib
17 aprel 10:29
- Tanınmış həkim telefon nömrəsini satışa çıxardı – 26 min manat
16 aprel 11:15
- Ailəli müəllim məktəbli ilə çılpaq halda maşında yaxalandı
16 aprel 11:06
- Müharibə veteranlarına şad xəbər: 80 manat artırılır – Deputat məbləği açıqladı
16 aprel 10:17
- Vəzifədə olan dayısının evindən 90 min oğurlayıb - Qumarda uduzdu
16 aprel 10:08
- 2300 maaşım idi, ayda 15 min manat paket alırdım - Sabiq nazir
16 aprel 09:45
- Məktəb direktoru haqda son qərar - Qalan ömrünü həbsdə keçirəcək
16 aprel 09:31
- Almaniya kansleri - 66 yaşım var, heç vaxt marixuana çəkməmişəm
15 aprel 21:16
- Sabiq baş həkimə hökm oxundu - 8 il 6 ay həbs
15 aprel 20:53
- Akademik Zərifə Əliyevanın anım günüdür
15 aprel 20:43
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 10:22
- Tokayev İrəvanda səfərdədir - Foto
15 aprel 09:49
- Dubayda qızıldan hazırlanan alt paltarları satışa çıxarıldı
14 aprel 20:39
- İmişlidə məktəbliləri cərəyan vurub öldürdü
14 aprel 18:44
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
14 aprel 16:37
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 15:24
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 11:41
- Narkotik satan AXUND həbs olundu - Foto
13 aprel 13:04
Video & Fotoqalereya
Video
Fotoqalereya