Son xəbərlər:

Heydər Əliyev Fondu adından pul yığan məmur kimdir? – ŞİKAYƏT

Cəmiyyət10 aprel 2017 12:04

Göyçay rayon Təhsil Şöbəsinin Heydər Əliyev Fondunun layihəsi adından pul yığması barədə yerli sakinlərin şikayəti araşdırılır

Ulus.Az-a daxil olan xəbərə görə, məsələ haqda Təhsil Nazirliyinə, Prezident Administrasiyasına və I vitse-prezident Mehriban Əliyevaya edilən müracitələrə baxılır.

Belə ki, bir qrup Göyçay rayon sakini təhsil şöbəsinin müdiri Elnur İsmayılovdan 1-ci vitse-prezidenti Mehriban Əliyevaya şikayət məktubu ünvanlayıb. Məktubda Elnur İsmayılovun barəsində təcili tədbir görülməsi istənilib:

“Heydər Əliyev Fondunun və Təhsil Nazirliyinin dəstəyi ilə 2017-ci ilin 18-23 mart tarixlərində “Ölkəmizi Tanıyaq” layihəsi üzrə Göyçay rayonundan gedən 40 nəfər şagirdin hər birindən 250 manat pul yığılıb.

Göyçay Rayon Təhsil Şöbəsinin müdiri Elnur İsmayılov hər şagirddən 250 manat pulun alınmasını məktəb direktorlarına tapşırıb.

Layihəyə əsasən hər rayondan bu turda cəmi 40 şagird iştirak edir, ancaq Elnur İsmayılov hiylə işlədib yalandan elan edib ki, Göyçay rayonundan guya 80 nəfər şagird iştirak edəcək.

Buna görə də məktəb direktorları 80 nəfər şagirddən hər birindən 250 manat pul yığıblar. Buna imkanı olmayan şagird turdan kənarlaşdırılıb pulu verən şagirdlə əvəzlənib. Bu yolla Elnur İsmayılov küllü miqdarda pul yığıb.

Əslində isə “Ölkəmizi Tanıyaq” lahiyəsi Heydər Əliyev Fondu tərəfindən maliyyələşdirilir. Göyçay rayon Təhsil Şöbəsinin müdiri Elnur İsmayılov fürsətdən istifadə edərək hiylə işlədib bu layihəni Göyçay təhsilində pulla həyata keçirib.

Yığılan pulları isə Elnur İsmayılov öz şəxsi işlərinə sərf edib. Həmçinin elə valideyin olub ki, şagird övladının istəyini həyata keçirmək üçün borc alıb Göyçay rayon Təhsil Şöbəsinin müdiri Elnur İsmayılova verib”.

Elnur İsmayılov bir neçə aydır Göyçay rayon Təhsil Şöbəsinin müdiri vəzifəsinə təyin olunub:

“Ancaq onun etdiyi qanunsuzluqlar, özbaşınalıqlar bütün kasıb valideyinləri boğaza yığıb. Bayram, tədbir keçirmə adı ilə, süpürgə pulu, iməcilik və s. səfeh bahənələrlə məktəblərdə şagirdlərdən tez-tez pul yığılır.

Pul verməyən müəllimlərin dərs saatları azaldılır, pul verən savadsız müəllimlərin isə dərs saatları çoxaldılır. Fənn kabineti, dərsdən sonra əlavə məşğələyə ayrılan pullar təyinatı üzrə xərclənmədən talan edilir.

Demək olar ki, Elnur İsmayılov az bir vaxtda Göyçay rayon təhsilini tamamilə iflic edib. Biz mətbuat vasitəsi ilə Mehriban xanım Əliyevaya müraciət edib Göyçay təhsilini iflic vəziyyətə salmış Elnur İsmayılovun qanunsuz əməllərinin araşdırılıb barəsində tədbir görülməsini xahiş edirik”.

Göyçay rayon sakinləri:

Qasımov Bəhlul İzzət oğlu

Məmmədov Müşfiq Muradxan oğlu

Əliyeva Kəmalə Əsgər qızı

Tarverdiyeva Təranə Yusif qızı

Qəhrəmanova Sona Davud qızı

İbrahimov Əjdər Xasay oğlu

Alıyev Bəxtiyar Süleyman oğlu

Salahov Kamil Lətif oğlu.

NUH.az