Türkiyədə hərbi helikopter qəzaya düşdü - 13 şəhid+ Yenilənib

Türkiyənin Şırnak vilayətində hərbi helikopter qəzaya düşüb.

“Qafqazinfo”nun “Hurriyet”ə istinadən verdiyi xəbərə görə, Şırnak 23-cü Sərhəd Divizya Komandirliyindən havaya qalxan “Cougar” tipli hərbi helikopter 3 dəqiqə sonra İraqla sərhəddə yerləşən Şenoba bölgəsində radarlardan itib.

Şırnak Valiliyinin açıqlamasında bildirilir ki, helikopter elektrik xəttinə dəyərək qəzaya uğrayıb. 

Hadisənin baş verdiyi əraziyə xilasedicilər cəlb olunub. 

***

“Milliyet” xəbər verir ki, hadisə Türkiyə vaxtı ilə saat 19:47-də qeydə alınıb.

Helikopterin göyərtəsində 23-cü Sərhəd Diviziya Komandirliyinin komandiri, general Aydoğan Aydın, polkovnik və podpolkovniklər də olub. 

Hadisə nəticəsində şəhidlərin olduğu bildirilir.

***

“Cnnturk”un məlumatına görə, baş nazirin köməkçisi Mehmet Şimşek Tvitter hesabında insidentlə bağlı açıqlama yayıb: “Şırnakdan kədərli xəbər gəldi. Allah şəhidlərimizə rəhmət etsin, məkanları cənnət olsun”.

***

“İHA”nın xəbərinə hörə, helikopterin qəzaya düşməsi nəticəsində 13 əsgər şəhid olub.

***

“Hurriyet”in məlumatına görə, Türkiyə Silahlı Qüvvələri (TSK) helikopterin göyərtəsində 13 nəfərin olduğunu və onların hamısının həlak olduğunu açıqlayıb.

  NUH.az