Ağdaş meşəsində cinayətlər

 O, həmin müraciətin surətini bizə göndərməklə yanaşı, indiyədək heç bir tədbir görülməməsindən də şikayətlənir. Müraciətdə deyilir:

Belə ki, Ağzıbir kəndində bəndin Kür çayı tərəfi olan hissəsində Ədilov Nurlan Musa oğlu adlı bir şəxs geniş bir ərazini zəbt edərək, onun hər yanından xəndək qazdıraraq şəxsi mülkiyyətinə çevirmişdi. Girişinə dəmir darvaza qoyaraq qifil vurmuş, içində vaqon yerləşdirmiş və axmazı ortadan kəsərək özü üçün baliq gölü yaratmişdı. Üstəlik “SMP” adlana su nasosu da qoymuşdu. Mən işə girəndə mənə dedilər ki, Nurlan həmin ərazini qanunsuz şəkildə mənimsəyib. Məni heç vaxt o əraziyiə buraxmırdılar. Ötən qışda xəbər tutdum ki, Nurlan Fərruxla əlbir olaraq həmin ərazidən xeyli qarağac, gər, qovaq agaclarını qırıb xəlvəti satışa çıxarıb.

 

Mən bu barədə idarə rəisi Cahid Dadaşovun özünə şifahi və yazılı məlumat vermişəm. Sonda o, cavabında “bu məsələ sənlik deyil” deyərək məni otağından qovdu. Bu hal dəfələrlə təkrar olunub. İş elə gətirdi ki, C. Dadaşov bu yaxınlarda Göygöl meşəsinə rəis göndərildi. Bundan sonra mən Nurlana ağacları bir də qirmamaq barədə xəbərdarlıq etdim və dedim ki, daha arxanda Cahid Dadaşov yoxdur. Onsuz da qırıb satdığın ağacların cavabını gec-tez verəcəksən!

 

Nurlan mənim bu xəbərdarlığımdan sonra məndən narazı olan Baxış adlı bir nəfərlə birləşərək nazirliyin Qaynar xəttinə zəng edib zəbt etdiyi 150 hektara yaxın meşə ərazisində ağacların guya mənim tərəfimdən qırılması ilə bağlı şikayət edib. Şikayət əsasında yoxlamaya gələn Mustafa və Rəşad adlı nazirlik əməkdaşları Nurlanın kəsdiyi, Fərrux və Cahidin xəbəri olduğu ağacları mənim boynuma qoydu. Halbuki, mən bu vaxtadək həmin 150 ha əraziyə girə bilməmişəm. Çünki yuxarıda qeyd etdiyim kimi, həmin ərazi hər tərəfdən bağlanıb, dəmir darvazası isə qıfıllanmışdı. “Komissiya” bunu gördüyü və bildiyi halda məni 181 manat cərimə etdi. Mən etiraz etdikdə, dedilər ki, narahat olma, hər şey yaxşı olacaq! Tapşırdılar ki, bu qırıntıda Cahidin adını çəkməyim və izahatımda ona toxunmayım, biz hər şeyə düzəliş edəcəyik!

 

Əlacsız qalıb, sənədləri imzaladım. Səhəri günü məni idarəyə çağırdılar və cəriməni ödəməyi tələb etdilər. Mən ağacları qırmadığımı bildirsəm də, xeyri olmadı. Aldandığımı başa düşdüm və pulu ödəyəsi oldum.

 

Cənab Nazir! Nurlan təkcə qeyd etdiyim ərazinin ağaclarını qırmayıb, o, digər sahələrdə də yüzlərlə yaşıl, iri ağacları məhv edib. Həm də yuxarıda adını çəkdiyim şəxslərlə əlbir olaraq. Odurki, mən Komissiya təşkil edilib, Nurlana bağlı ərazinin yenidən yoxlanmasını və həmin ərazinin ətraflarının açılaraq meşə gözətçisinin- yəni idarəmizin nəzarətinə verilməsini Sizdən xahiş edirəm. Cənab nazir, Sizə ünvanladığım əvvəlki məktublarda Nurlanın talan etdiyi meşənin şəkillərini aşağıdakı izahlarla Sizə göndəmişəm:

 

1.Gələn Komissiyanın sədri, yoldaş Mustafa ağacları yoxlayır, Nurlan oğurlayıb, kəsdiyi-satdığı ağaca çəkic vurur.

2.Nurlanın həmin meşə ərazisində istirahət yeri.

3. Nurlanın balıq gölü və su motoru.

4. Nurlanın həmin meşə ərazisində yerləşdirdiyi vaqon ev.

5. Həmin ərazinin qapısına qoyulmuş dəmir darvaza və qara qıfıl.

6. Yüzlərlə kəsilmiş və satılmış ağaclardan bəzi nümunələr”.

Məmmədbağır Əsgərov daha sonra bildiri ki, onun Ekoloğiya və Təbii Sərvətlər Naziri cənab Hüseyn Bağırova göndərdiyi müraciətdən sonra ona xəbərdarlıq edilib. Deyilib ki, yerində sakit oturmasa, işdən azad olunacaq!

Bütün bunlara baxmayaraq, M.Əsgərov öz tələblərindən əl çəkməmiş, şikayətlərinə davam etmişdir. Belə olan halda nazirlik iki aydan sonra öz nümayəndəsi Rəşadı Ağdaşa araşdırmaya göndərmişdir. Təəssüf ki, o da öz yoldaşlarının yolu ilə gedərək zəbt olunmuş ərazini görməmiş, Nurlanın müdiriyyətlə əlbir olub törətdiyi cinayətləri ört-basdır etmişdir. Sonda şikayətçinin səsini kəsməyi qərara almışlar. Bu məqsədlə onu işdən azad etmişlər.

Ədalət Ekologiya Nazirliyində belə qorunur, əfəndilər!
mediatv.az