“Leylinin Məcnundan istədiyini Çovdarovdan istəyirəm” - Tağı Əhmədov + Video

Bu gün ləğv olunmuş MTN-in generalı Akif Çovdarov, idarə rəisləri - Səlim Məmmədov, Akif Əliyev və Orxan Osmanovun cinayət işi üzrə məhkəmə prosesi davam etdirilib.

“Qafqazinfo”nun verdiyi xəbərə görə, Bakı Hərbi Məhkəməsinin hakimi Həbib Həsənovun sədrliyi ilə keçirilən prosesdə zərərçəkmiş, "Bakı Metropoliteni"nin sabiq sədri Tağı Əhmədov iştirak edib.

Onun ifadə verəcəyi gözlənilir. Hazırda proses davam edir.

***

Tağı Əhmədov məhkəmədə ifadə verərək A.Çovdarovun ondan 3 milyon manatı necə almasından danışıb. Proses iştirakçılarının ondan "tələbiniz nədir, nə istəyirsiniz?" sualına belə cavab verib: "Hamı "Leyli və Məcnun"u oxuyub. Leylinin Məcnundan nə istədiyi də bəllidir. Leylinin Məcnundan istədiyini mən Çovdarovdan istəyirəm. Pulumu istəyirəm".

Prosesdən çıxan T.Əhmədov jurnalistlərə açıqlama vermədən maşınına oturaraq gedib.

***

T.Əhmədov istintaqa ifadəsində Çovdarova verdiyi 3 milyon manatı 40 illik əmək haqqısını yığaraq əldə etdiyini deyib. "Qafqazinfo"nun "Hələ də əmək haqqınızı yığırsınızmı?" sualına cavab verməyib.

  NUH.az