Yunan və türk hakerlər arasında virtual müharibə

Yunan haker qrupu “Anonymous Greece” 300-dən çox türk saytını dağıtdığını bildirib.

“Qafqazinfo” xarici KİV-ə istinadən xəbər verir ki, kiber hücum Yunanıstanın baş naziri Aleksis Çiprasın saytının dağıdılmasına cavab olaraq edilib.

Qeyd edək ki, kiber müharibə üçün bəhanə Yunanıstanın İstanbuldakı Müqəddəs Sofiya kilsəsində Qurani-Kərimin oxunması etiraz etməsi ilə başlayıb. Türk hakerlər yunan baş nazirinin saytını sındırıblar, yunanlar isə cavabında yüzlərlə türk saytını dağıdacaqlarına söz veriblər.

İlk olaraq iki türk telekanalının və Tayyib Ərdoğanın Universitetin saytına hücum olunub. 

“Anonymous Greece” haker qrupu 300 saytı dağıtdıqlarını və hücumların davam edəcəyini bildirib.

Yunan hakerlər birja və bankları hədəf alacaqlarını vurğulayıblar.

  NUH.az