Baş redaktoru həbs etdirmək istədilər

Siyasət4 iyul 2017 18:35

Son günlər reket jurnalistikasına qarşı aparılan haqlı mübarizədən ruhlanan bəzi məmurlar peşəkar jurnalistikaya da zərbə vurmaq üçün hərəkətə keçiblər. Belə addım atanlardan biri də Abşeron rayon İcra Hakimiyyətinin başçısı Gülməmmədova İradə Akif qızı olub.

Belə ki, o şəxsi maraqları naminə "Gündəm Xəbər"qəzetinin baş redaktoru Cəfəri Şirin Abbasqulu oğlunu həbs etdirmək üçün xüsusi ittiham qaydasında Bakı şəhəri Xətai rayon Məhkəməsinə şikayət verib. Bu gün məhkəmə prosesi olub və iş Binəqədi rayon məhkəməsinə verilib. Bununla bağlı 10may.az saytına açıqlama verən "Gündəm Xəbər"qəzetinin baş redaktoru Şirin Cəfəri bildirib ki, verilən şikayətin heç bir hüquqi əsası yoxdur və bu məndə başqa bir məqama görə təəssüf yaradır: ” Yadınızdadırsa, bir il öncə Prezident Administrasiyasının rəhbəri , akademik Ramiz Mehdiyev bildirmişdi ki, işə götürmək üçün peşəkar mütəxəssis, hüquqşünas tapmaq çox çətindir. Bu həqiqətən də belədir. Abşeron rayonu kimi böyük bir rayona rəhbərlik edən İradə Gülməmmədovanın atdığı bu cür addım heç bir hüquqi əsası olmayan ittihamla çıxış etməsi məni acıdır. Gör yüz minlərlə sakinə kimlər rəhbərlik edir. Bu gün bəzi məmurların savadsızlığı son nəticədə özbaşınalıqla nəticələnir ki, bunun da nümunəsini Yasamal rayonunda gördük. Rayonun başçısı prezidentin tapşırığına məhəl qoymayaraq məscidi özbaşına sökdürdü və cəzasını aldı. Mən inanıram ki, cənab prezident bu prosesi davam etdirəcək. 
İndi isə məsələnin digər tərəfinə baxaq. “Gündəm Xəbər” qəzetinin bu gün hüquqi ünvanı Yasamal rayonundadır və mən heç cür başa düşmədim ki, Xətai rayon məhkəməsi bu işi icrata götürmüşdü və İradə Gülməmmədova hansı məntiqlə bu rayonun məhkəməsinə müraciət edib? İndi isə iş Binəqədi rayonuna göndərilib ki, burada da məntiq görə bilmirəm. Görünən tək budur ki, İradə Gülməmmədova deyəsən hansı rayonda tanış hakimi varsa ora müraciət edir. Sabah Kürdəmir məhkəməsinə də müraciət etsə təccüblənmərəm. Amma bildiyim budur ki, bu gündə peşəkar jurnalistikaya prezidentin dəstəyi var və bu cür məmurların qurduqları oyunlar baş tutmayacaq”.

 

  NUH.az 






Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1369