Azərbaycanlı qadını zorlamaq istədi, yandırdı - Türkiyədə dəhşətli hadisə+ Video

Türkiyənin Samsun vilayətinin Çarşamba rayonunda Azərbaycan əsilli qadın kimyəvi turşu ilə yandırılıb.

“Qafqazinfo”nun Türkiyə KİV-nə istinadən verdiyi məlumata görə, iki uşaq anası olan 41 yaşlı qadın tanışı olan samsunlu R. P.-dən (ad və soyadının baş hərfi) borc pul almaq üçün onun evinə gedib. 

İddia olunur ki, Arzu İsmayılova evdə R. P.-nin cinsi təcavüzünə məruz qalıb. O, müqavimət göstərdikdə isə qarşı tərəf İsmayılovanın üzünə kimyəvi turşu töküb.

Yaralanan qadın evdən qaçaraq kömək istəyib. 

Üzü, qolları və bədəni yanan qadın Samsun Araşdırma Xəstəxanasının Yanıq Müalicə Mərkəzinə aparılaraq müalicəyə götürülüb.

A. İsmayılova polisə açıqlamasında 3-4 il öncə Azərbaycandan Samsuna gəldiyini, borc pul istədiyi şəxsin yaşlı kişi olduğunu bildirib.

Şübhəli R. P.-nin polis tərəfindən saxlanıldığı və dindirildikdən sonra sərbəst buraxıldığı qeyd olunur.