Sağlamlığınızı qorumaq üçün vacib məsləhət

Qaynarinfo bildirir ki, soyuqlama zamanı antibiotiklərdən istifadə etmək mənasız, hətta zərərlidir. Çünki viruslara antibiotiklərin təsiri çox az olur. Antibiotiklərdən ancaq orta qulaq iltihabı, sinuzit və bronxit zamanı istifadə etmək lazımdır. Düzdür, C vitamini sağlam həyat tərzi üçün vacibdir və antioksidant xassəyə malikdir, ancaq bu vitamin də nə qripi, nə də zökəmi müalicə edir.

Vitamin çatışmazlığını dərman şəklində deyil, təbii qidalardan, məsələn, meyvə-tərəvəzlərdən, süd, qatıq kimi məhsullardan istifadə etməklə aradan qaldırmaq məsləhətdir.

Soyuqlama zamanı müalicə məqsədilə dərman qəbul etməyin. Mümkünsə, ən azı 1-2 gün istirahət edin. Bol və isti maye qəbul edin. Cökə, adaçayı, nanə və limon çayları idealdır.

 

Mandarin, portağal, kök kimi meyvələrdən, hər növ tərəvəzdən bolluca yeyin. Köklü, kartoflu, kərəvizli, soğanlı, cəfərili toyuq şorbaları soyuqlamanın qarşısını alır.

Otağınızın havası quru olmasın. Qızdırmanız yüksəkdirsə, həkimlə məsləhətləşərək qızdırmanı aşağı salan dərman qəbul edin.

Uşağınızın burnu axarsa, öskürərsə, boğazı ağrıyarsa, azacıq qızdırması olarsa, o dəqiqə dərmanlara müraciət etməyin. Bu xəstəliklər müalicə edilsə də, edilməsə də, bir həftə ərzində keçəcək.