Mərhum jurnalistin bacısı: “Qaçqınkom”dan kömək gözləyirəm” (FOTOLAR)

Hadisə27 mart 2018 19:51

Xəbər verdiyimiz kimi, ötən həftə Sabunçu rayon, Pirşağı qəsəbəsindəki "Məşəl” düşərgəsinin ərazisində  güclü yanğın zamanı mərhum jurnalist Zabil Müqaliboğlunun bacısının yaşadığı  ev yanıb kül olub. Xoşbəxtlikdən yanğın jurnalistin bacısı Sevinc Əliyeva evdə olmadığı vaxt baş verib.
Evin 5-30 min manatlıq dəyərli əşyalarla  birlikdə yanıb kül olduğunu deyən Sevinc Əliyeva "Qaçqınkom”dan kömək istəyir.
Qeyd edək ki, Sevinc Əliyeva əslən Zəngilandan olan məcburi köçkündür.
Mərhum jurnalistin bacısı modern.az saytına açıqlamasında bildirib ki, baş verən hadisəyə görə hazırda evsizdir və faktiki olaraq küçədə qalıb:
"Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovdan yardım istəyirəm. Mən dövlətimizə güvənirəm və "Qaçqınkom”un məni evlə təmin etməsini gözləyirəm”.
Qeyd edək ki, Sevinc Əliyeva 2017-ci il fevralın 27-də vəfat edən Z.Müqabiloğlunun bacısıdır. S.Əliyeva  valideynləri və  qardaşı dünyasını dəyişəndən sonra  həmin evdə tək qalırdı.




Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1368