Quzu ətindən baha dombalan (VİDEO)

İqtisadiyyat8 aprel 2018 11:07

Ölçüsü kiçik, görünüşü daha çox kartofa bənzəyən bu bitkinin 1 kiloqramı 18-20 manata satılır. Söhbət dombalan kimi tanınan göbələkdən gedir. Hazırda bitkinin yığımı aparılır.

 "Xəzər TV"   xəbər verir ki, heç bir qulluq tələb etmir, təbii şəraitdə düzənlik ərazilərdə yetişir. Yaz yağışı isə ona can verir. Goranboyda torpağın müəyyən dərinliyində yetişən tryufel bitkisinin yığımı aparılır.
Göbələyin bir növü olan bitkini yerli sakinlər dombalan adlandırırlar. Səbəb isə onun tam yetişdikdən sonra torpağı şişkin göstərməsidir. Yaz yağışlarının ardından çıxan bitki əllə yığılır. Tryufel Goranboyda Rəhimli və Veyisli kəndlərinin ərazisində daha çox yetişir. Yerli sakinlərin sözlərinə görə, bitkinin yığımı dekabrdan may ayına qədər davam edir.
Şəkər və qan-damar xəstəliklərinin dərmanı hesab edilən bitkinin yığımı o qədər də asan deyil. Elə bu səbəbdən tryufelin qiyməti də yüksəkdir. Yerli sakinlər dombalanın quzu ətindən baha olduğunu deyirlər. Göbələkdən çox kartofa bənzəyən bitkidən müxtəlif təamlar hazırlanır.
Tryufel daha çox İspaniya, İtaliya və Fransada məşhurdur. Hətta XV əsrdə dombalanın rahat tapılıb yığılması üçün müxtəlif heyvanlar da əhliləşdirlirmiş.







Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1369