AZAL şefinin təyyarəsi “Abel zolağına” enir?
Reportaj26 noyabr 2018 14:27
Ötən günlərin xəbərləri içərisində çoxlarının diqqətini cəlb etməyən, ilk baxışdan sıradan bir informasiya təsiri bağışlayan məlumat ölkədəki banklardan birinin adını dəyişdirməsi oldu. Söhbət "Bank Silk Way"-ın adının dəyişdirilərək "Premium Bank" ASC kimi yola davam etməsindən gedir.
Sfera.az xatırladır ki, sözügedən bank artıq ikinci dəfədir ki, adını dəyişir. Belə ki, bank fəaliyyətinə 1994-cü ildən "Azal Səhmdar Kommersiya Bankı" adı altında başlayıb. 2008-ci ildən onun hüquqi varisi olaraq "Bank Silk Way" ASC adı altında fəaliyyət göstərib, axırıncı dəyişiklikdən sonra isə "Premium Bank” adlandırıldı.
Sual oluna bilər ki, çoxlarının diqqət belə etmədiyi bu məqama xüsusi maraq göstərməyimizin səbəbi nədir?
Sfera.az məsələnin sadəcə ad dəyişdirməklə kifayətlənmədiyi qənaətindədi və bunun üçün müəyyən əsaslar da yox deyil. Son illərin təcrübəsi və yazılmamış qaydaları düşünməyə vadar edir ki, bankın və ya hansısa müəssisənin adının dəyişdirilməsi əslində onun faktiki sahibinin dəyişdirilməsi anlamına gəlir. Təbii ki, adddəyişmənin həmişə əldəyişmə anlamına gəldiyini də iddia etmirik. Heç "Bank Silk Way" ASC-nin bundan sonra "Premium Bank” adlandırılmasında da hansısa gizli məqamlar və ya müəmma da axtarmazdıq... Əgər bu addəyişmə olayına qədər ortada bəzi suallar və problemlər olmasaydı. İndi isə sözügedən bankın adının dəyişdirilməsinə qədər olan müəyyən ştrixlərə nəzər salmağa çalışaq.
Ondan başlayaq ki, sözügedən bank AZAL rəhbəri Cahangir Əsgərovun ailə şirkəti hesab olunan "Silk Way Holding” MMC-nin tərkib hissəsidir. Bu həmin "Silk Way Holding” MMC-dir ki, ona uzun illər Cahangir Əsgərova yaxın qohumluğu çatan Zaur Axundov rəhbərlik edib. Zaur Axundov holdinqdən yalnız bu yaxınlarda uzaqlaşdırılıb. Buna səbəb kimi isə holdinqin fəaliyyəti üçün Beynəlxalq bankdan götürülmüş kreditlərin qaytarılmasında çox ciddi problemlərin yaşanması göstərilir. Belə ki, "Silk Way Holding” qurulduqdan sonra Beynəlxalq Bankdan 400 milyon dollar kredit götürülüb. Ancaq kredit bu günə qədər qaytarılmayıb. Ehtimal olunur ki, Beynəlxalq Bankdan verilən digər iri həcmli kreditlərdə olduğu kimi, burda da ortada girov olmadığından, şirkət kreditləri qaytarmağa maraq göstərməyib. Beynəlxalq Bank ətrafında yaşanan məlum olaylardan sonra isə çoxları kimi "Silk Way Holding”in də fəaliyyəti təftiş edilib və görünən odur ki, indi holdinq heç də arzuolunan dövrünü yaşamır.
Təkcə karqo daşınmalardan – xarici ticari əməliyyatlardan Əsgərovun holdinqinin qazancı 100 milyonlarla ölçülsə də AZAL şefi pulları geri qaytarmayıb. Rəsmi statistikaya əsasən, hava nəqliyyatında daşımalardan 2016-cı ildə 2 milyardan artıq, 2017-ci ildə isə 2 milyard 200 milyon manatdan artıq gəlir götürülüb. Bu vəsaitlərin əhəmiyyətli hissəsi isə məhz «Silk Way Holdinq»in büdcəsinə yönəldilib. Holdinqin tərkibindəki digər şirkətlərin də gəliri 10 milyonlarla ölçülür…
Əslində AZAL-ın bu qədər gəlir gətirməsi təsadüfi deyil. Ölkədə təyyarə biletlərinin nə qədər baha olduğunu hamımız bilirik. Hətta bu məsələyə Prezident İlham Əliyev də münasibət bildirib və qiymətlərin həddən artıq yüksək olduğunu vurğulayıb.
Prezident bildirib ki, AZAL dövlət tərəfindən böyük subsidiyalar alır:
"Bütün təyyarələr dövlət büdcəsinin vəsaiti hesabına alınır, bütün aeroportlar dövlət hesabına tikilir, bütün şərait dövlət hesabına yaradılır. Nəyə görə biletlərin qiyməti başqa ölkələrə, şəhərlərə nisbətən baha olmalıdır? Nə üçün? Ona görə, mən tapşırıram hökumət, Maliyyə Nazirliyi, İqtisadiyyat və Sənaye Nazirliyi bu məsələ ilə məşğul olsunlar. Həm müqayisə aparın, həm də burada tənzimləmə mexanizmi, hər şey şəffaf olmalıdır və qiymətlər süni şəkildə qaldırılmamalıdır".
Onu da bildirək ki, "Silk Way Holding” barədə aparılan araşdırma da ortaya maraqlı faktlar qoyub. Məlum olub ki, əsas ofisi beynəlxalq hava limanında yerləşən bu şirkət 14 iyul 2006-cı ildə yaradılıb. "SW Holding”in tərkibinə əsasən aviasiya sahəsində fəaliyyət göstərən 23 şirkət daxildir. Müəssisələrdə 3000 nəfərə yaxın adam çalışır. Holdinqə daxil olan şirkətlərin siyahısı isə C.Əsgərovun biznes imperiyasının nə qədər böyük olduğundan xəbər verir. Təsəvvür edin ki, ona məxsus tək bir şirkətə - "SW Holding”ə aşağıdakı böyük müəssisələr daxildir:
Airport Gate
Airport Hotel
Azal Sığorta
Baku Cargo Terminal (BCT)
Duty Free
Euroasian Cargo
Ground Handling Company (GHC)
Silk Way Airlines
Silk Way Bank
Silk Way Business Aviation
Silk Way Construction
Silk Way Helicopter Services (SWHS)
Silk Way Technics (SWT)
Silk Way Information Technologies (SWIT)
SW Catering Supply
Sky Catering
SW Travel
Turan Air
Bu şirkətlərin siyahısı onu göstərir ki, hava limanında bütün ticarət müəssisələri, orada fəaliyyət göstərən dövlət qurumlarından başqa pul gətirən bütün sahələr yalnız və yalnız Ə.Əsgərovun nəzarətindədir.
İndi isə qayıdaq, "Bank Silk Way"-ın adının dəyişdirilərək "Premium Bank" ASC-yə çevrilməsinə və bu olayda ehtimal olunan qaranlıq məqamlara. Yuxarıda da qeyd etdiyimiz kimi, Cahangir Əsgərovun biznes imperiyasına daxil olan holdinq artıq etimadını itirib. Həmin holdinqə daxil olan bankın gözlənilmədən və xüsusi ehtiyac duyulmadan adının dəyişdirilməsi isə ondan xəbər verir ki, hər şey heç də rəsmi təqdimatdakı kimi deyil. Çox böyük ehtimalla artlıq yeni adla fəaliyyətini davam etdirən "Bank Silk Way" təkcə adını yox, həm də real sahibini dəyişib.
Bütün bu baş verənlər isə AZAL şefinin bu günlərdə böyük qalmaqalla vəzifəsindən uzaqlaşdırılan BDU-nun sabiq rektoru Abel Məhərrəmovun aqibətini yaşaya biləcəyi ehtimalı da gücləndirir.
Xatırladaq ki, Azərbaycan Hava Yolları QSC-nin prezidenti Cahangir Əsgərovun adı bu günə qədər kifayət qədər ilginc və qəbuledilməz olaylarda hallanıb. Bu siyahıda şəxsi zooparkında vəhşi heyvanlar saxlatmasından tutmuş dəbdəbəli ziyafətlərdəki anormal davranışlarına qədər bir çox nüanslar yer alır. Məsələn, C.Əsgərov bir müddət öncə rəhbərlik etdiyi qurumun 80 illik yubileyində çəkilən fotosu ilə gündəmə gəlmişdi. Tədbirdə əcnəbi xanım müğənnilərdən biri ilə tvist rəqsi edən Cahangir Əsgərov onu çəkən şəxsə orta barmağını göstərib.
Bildirək ki, yubiley tədbirində Azərbaycan və dünya estradasının ulduzları çıxış ediblər.
Ümumiyyətlə isə AZAL şefinin mütəmadi olaraq təntənəli içki məclisləri təşkil etdiyi və bu ziyafətlərdə ilginc olaylar yaşanması haqda ölkə mətbuatında kifayət qədər yazılıb.
Onun şəxsi ailə biznesinə daxil olan holdinq ətrafında yaşananlar isə ictimai rəydə qıcıq doğuran C.Əsgərovun "vurulma” prosesinə hazırlıq getdiyini düşünmək üçün əsaslar yaradır.
Oxşar xəbərlər
- İlham Əliyev Füzulidən Berlinə getdi - Tarixi uçuş - Yenilənib
26 aprel 2024 11:50
- Abel Məhərrəmov polkovnik-leytenantın torpağını zəbt edib?
22 aprel 2024 18:57
- Cahangir Əsgərov daha bir vəzifədən AZAD EDİLİB
8 aprel 2024 12:37
- 25 il əvvəl bu gün: Primakovun təyyarəsi okeanın üstündən niyə geri qayıdıb?
25 mart 2024 00:29
- BAKCELL-də yeni təyinat
15 mart 2024 20:20
- Rusiyada İl-76 qəzaya düşdü - 15 ölü - Video
12 mart 2024 15:39
- Dünya şokda: Almaniya ABŞ-ı vurdu? - SON DƏQİQƏ
29 fevral 2024 13:15
- Britaniya Fələstin dövlətini tanıyacağını açıqladı - XİN başçısı
30 yanvar 2024 22:21
- 65 il öncə Azərbaycana məxsus təyyarəni kim vurmuşdu? – 20-ci sərnişin müəmması və...
14 yanvar 2024 14:13
- Naxçıvanda Ərdoğanı İlham Əliyev qarşıladı - Video - Fotolar
25 sentyabr 2023 15:58
Xəbər lenti
- Bakıda kanalizasiya daşdı, evlər su altında qaldı - Video
08 may 16:23
- Azərbaycanda yeni idman növü yaradıldı
08 may 12:50
- Prezidentlərin geniş tərkibdə görüş keçirilir (YENİLƏNİB)
08 may 12:25
- İşdən çıxarılan məşhur cərrah danışdı
08 may 10:22
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58
- İlham Əliyevin Robert Fitso ilə geniş tərkibdə görüşü başlayıb
07 may 14:24
- Bakıda 41 yaşlı prokuror yol qəzasında vəfat etdi
07 may 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
07 may 12:14
- Direktor cərrahı işdən çıxardı, cəzalandırıldı
07 may 11:42
- Azərbaycanı Naxçıvanla birləşdirəcək yoldan görüntülər (VİDEO)
07 may 08:55
- Füzulidə dağıntıların miqyasını görəndə çox təsirləndim - ABŞ səfiri
07 may 02:11
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
07 may 01:46
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
07 may 01:30
- SSRİ xəritələrinə baxın: o ərazilər Azərbaycanındır - Tomas de Vaal
07 may 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
07 may 00:53
- Bakıda 17 min manata pişik satılır (VİDEO)
07 may 00:41
- 500 illik zavod görün hansı sirrin üstünü açdı
07 may 00:32
- Elçin Quliyev III Çarlzla bir arada - Fotolar
07 may 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
07 may 00:10
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31
- İsa Qəmbər yenidən başqan seçildi - Yenilənib - Fotolar
04 may 17:23
- Tanışının qulağını dişlədi - Həbs olundu
04 may 13:39
- Adil Əliyevin ailəsinə ağır itki
04 may 12:01
- Bu gün İsa Qəmbər yenidən Müsavat başqanı ola bilər - Yenilənir
04 may 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
Video & Fotoqalereya
Video
Fotoqalereya