Azərbaycanda xərçəng xəstəsindən ürəkdağlayan sözlər VİDEO
Dünya28 noyabr 2018 14:47
Deyirlər, xəstəxana divarları məscidlərdən daha səmimi dualar eşidir...
Bəlkə də sağlamlığımızın yerini xəstə hüceyrələr tutanda bu qənaətə gəlirik daha çox. İş masamızı dəmir çarpayılar, yazı qələmlərini inyeksiyalar, ailə üzvlərimizi tibb bacıları əvəzləyəndə anlayırıq əsl duaların dəyərini...
Kəskin "T” hüceyrəli limfoblast (qan xərçəngi) xəstəliyindən əziyyət çəkən biologiya müəllimi Samirə Məmmədova isə xəstəliyindən elə söhbət açırdı ki, elə bil illərdir bu xəstəliklə qidalanır, yatıb-qalxır.
38 yaşlı Samirə Məmmədova bir aya yaxındır ki, B.Ə.Eyvazov adına Elmi-Tədqiqat Hematologiya və Transfuziologiya İnstitutunun sakinlərindən biridir. Universiteti bitirdikdən dərhal sonra biologiya müəllimi kimi iş həyatına atılıb. Uzun illərdir şagirdlərinə canlı aləmin yaranışından, bitkilərdən, insanlardan, təbiətdən söhbət açan Samirə müəllimə indi dörd divarın arasında öz xəstə hüceyrələrinə "dərs keçir”. Həm də sözün əsl mənasında. Palataya daxil olanda üzündə gülüşlə qarşıladı bizi. Elə o an anladım ki, qarşımda adi bir xəstə yox, yaşamağa, həyata və sevgiyə aşina olan biri var.
Bir az toxtadım. Çünki gözünü son damla ümidinə qədər həyata dikən biri ilə cəbhənin bu biri tərəfindən – sağlığına ölüm təhdidi olmayan yerdən dayanıb danışmaq mənim üçün asan deyildi.
Samirə müəllimə xəstəliyindən qısa müddət öncə xəbər tutub:
"İşə gedərkən başgicəllənmə, yorğunluq və halsızlıq hiss edirdim. Sonra ayaqlarımın damarları partladı, göyərdi... Dişlərimdə qanama başladı. Kardioloqa müraciət etdim. O isə məni bu instituta yönləndirdi. Analizdən sonra kəskin leykoz aşkar olundu. Həmin andan da müalicəyə başladım. Kimyaterapiyadan sonra özümü çox halsız hiss edirəm. Ancaq bir gün sonra düzəlirəm...”
Həkimin dediyinə görə, Samirənin xəstə vücudu müalicəyə müsbət reaksiya verir. Lakin onun bu xəstəlikdən birdəfəlik qurtulması üçün əməliyyat olunmağa ehtiyac var.
"İlik analizinin cavabları da, təəssüf ki, mənfi çıxdı. Bu xəstəlik iliyimdə də aşkarlandı. Düzdür, müalicələrin müsbət nəticəsi var, amma xəstəlik hər an yenidən baş qaldıra bilər. Buna görə də əməliyyat olunmaq vacibdir. Şükür ki, iki qardaşım var. Onların ilik analizlərindən müsbət cavab alsaq, donorum olacaqlar. İlik köçürülsə, xəstəlikdən tam azad olmaq ehtimalı var. Amma köçürülməsə, ömür boyu kurs-kurs müalicələr edilməlidir”, - deyir, Samirə müəllim.
Samirənin yaxınları bu əməliyyatla bağlı xarici ölkələrlə də maraqlanıb. Deyilənə görə, Azərbaycanda bu sahədə ixtisaslaşmış cərrah yoxdur, lakin:
"Əməliyyat Belarus və Türkiyədə münasib qiymətə oluna bilər. Azərbaycanda isə donor tapdıqdan və əməliyyata hazırlıq gedəndən sonra Talassemiya mərkəzimiz Belarusdan bir-iki günlüyünə xüsusi həkimlər dəvət edir. Əməliyyat Almaniyada da mümkündür. Ancaq orada çox bahadır”.
Müalicəsinin gedişatından razı qalan Samirə əksər insanların gözləntilərinin əksinə olaraq, Elmi-Tədqiqat Hematologiya və Transfuziologiya İnstitutundan xeyli razılıq etdi:
"Burada çox yaxşı baxırlar hər birimizə. Xəstəliyimi öyrənəndə psixoloji çöküntü yaşadım. Çox ağır diaqnozla daxil olmuşdum xəstəxanaya. Həkimim mənimlə söhbətlər etdi və məni hər şeyin yaxşı olacağına inandırdı. Kimyaterapiyada istifadə olunan dərmanlar və digər ağır pereparatlar var ki, həqiqətən bahalıdır. Ancaq onları dövlətimiz Almaniyadan özü gətirir və bizə pulsuz verilir. Xidmət də çox yaxşıdır”.
Samirənin palata yoldaşı da onun razılıqlarına qoşuldu. Samirəni isə tərif etməkdən doymadı:
"Samirə çox güclü insandır. O, buraya təzə gələndə bütün sutka sistemin altında olurdu. Heç nədən xəbəri olmurdu. Sistemdən sonra saatlarla qusurdu, amma onunla belə yemək yeyirdi. Çünki yaşamaq, xəstəliyə qalib gəlmək istəyir. O qədər çətin proseslərin öhdəsindən gəlirdi ki... Amma yenə də ona çətindir”.
Həmişə saçı daraqlı, sığallı bir qadının indi tüksüz başını yaylıq altında gizlətməsi kimə asan ola bilər ki?
Samirə deyir ki, bu savaş yolunda ona ən böyük dəstəyi ailəsi və övladlarıdır:
"İki azyaşlı qızım var. Bu xəstəliklə ən çox da onların xatirinə savaşıram. Onlar biləndə ki, saçlarımı kəsiblər, çox pis oldular. Ancaq o kiçik ürəkləri ilə mənə dəstək çıxdılar. Böyük qızım dedi ki, ana, sən saçsız da, qaşsız da, kirpiksiz də gözəlsən. Çünki analar hər halı ilə gözəl olur...”
İndi Samirənin içində apardığı müharibədə qalib gəlməsi üçün 100-200 min manat civarında məbləğ tələb olunur. Ancaq onun üçün ən böyük dəstək ona edilən dualardır. Hazırda onun adına bank hesabı açılıb və ianələr oraya toplanır. Samirə deyir ki, qohumları ilə yanaşı, onu tanımayanlar da maddi dəstək göstərirlər. Lakin öz maddi gücləri hesabına bu səddi aşmaq çox çətin məsələdir.
Bu inadkar qadın onunla eyni cəbhədə savaşan insanlara tövsiyələrini də çatdırdı:
"Bütün xəstəliklər kimi, bu xəstəliyin də yox olması 80-90 faiz insanın özündən asılıdır. Bunu bütün səmimiyyətimlə deyirəm. Ruh yüksəkliyi, mübariz olmaq hər şeydən vacibdir bu xəstəlik qarşısında. Mən buna ən böyük nümunəyəm. Çünki xəstəxanaya daxil olanda mənə iki gün ömrüm qaldığını demişdilər. Ancaq artıq bir aydır ki, buradayam, yaşayıram, mübarizə aparıram. Çünki, inanıram...”
Mənbə: publika.az
Oxşar xəbərlər
- Bakıda kanalizasiya daşdı, evlər su altında qaldı - Video
8 may 2024 16:23
- Azərbaycanda yeni idman növü yaradıldı
8 may 2024 12:50
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
8 may 2024 00:22
- Putin and içdi - Video - Yenilənib
7 may 2024 16:18
- Azərbaycanı Naxçıvanla birləşdirəcək yoldan görüntülər (VİDEO)
7 may 2024 08:55
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
7 may 2024 01:30
- Bakıda 17 min manata pişik satılır (VİDEO)
7 may 2024 00:42
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
7 may 2024 01:02
- Tanışının qulağını dişlədi - Həbs olundu
4 may 2024 13:39
- Saqqallı tələbə QALMAQALI böyüdü- Təhsil eksperti od püskürdü -VİDEO
3 may 2024 21:47
Xəbər lenti
- Bakıda kanalizasiya daşdı, evlər su altında qaldı - Video
08 may 16:23
- Azərbaycanda yeni idman növü yaradıldı
08 may 12:50
- Prezidentlərin geniş tərkibdə görüş keçirilir (YENİLƏNİB)
08 may 12:25
- İşdən çıxarılan məşhur cərrah danışdı
08 may 10:22
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58
- İlham Əliyevin Robert Fitso ilə geniş tərkibdə görüşü başlayıb
07 may 14:24
- Bakıda 41 yaşlı prokuror yol qəzasında vəfat etdi
07 may 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
07 may 12:14
- Direktor cərrahı işdən çıxardı, cəzalandırıldı
07 may 11:42
- Azərbaycanı Naxçıvanla birləşdirəcək yoldan görüntülər (VİDEO)
07 may 08:55
- Füzulidə dağıntıların miqyasını görəndə çox təsirləndim - ABŞ səfiri
07 may 02:11
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
07 may 01:46
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
07 may 01:30
- SSRİ xəritələrinə baxın: o ərazilər Azərbaycanındır - Tomas de Vaal
07 may 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
07 may 00:53
- Bakıda 17 min manata pişik satılır (VİDEO)
07 may 00:41
- 500 illik zavod görün hansı sirrin üstünü açdı
07 may 00:32
- Elçin Quliyev III Çarlzla bir arada - Fotolar
07 may 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
07 may 00:10
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31
- İsa Qəmbər yenidən başqan seçildi - Yenilənib - Fotolar
04 may 17:23
- Tanışının qulağını dişlədi - Həbs olundu
04 may 13:39
- Adil Əliyevin ailəsinə ağır itki
04 may 12:01
- Bu gün İsa Qəmbər yenidən Müsavat başqanı ola bilər - Yenilənir
04 may 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
Video & Fotoqalereya
Video
Fotoqalereya