Bakıda arvadını 5-ci mərtəbədən atan vəzifəli şəxslə bağlı - Qərar

Bakıda həyat yoldaşını yaşadığı binanın 5-ci mərtəbəsindən ataraq öldürən Ramiz Taxvelinin barəsində həbs-qətimkan tədbiri seçilməsi ilə bağlı istintaq orqanı tərəfindən verilən təqdimata baxılıb.

 Publika.az   xəbər verir ki, bu gün Nəsimi rayon Məhkəməsində təqdimat təmin edilib.

Ramiz Taxvelinin barəsində 3 ay müddətinə həbs-qətimkan tədbiri seçilib.

Xatırladaq ki, dekabrın 9-da Nəsimi rayonu ərazisində Adeliya Taxvelinin yaşadığı mənzilin eyvanından özünü atması barədə daxil olmuş məlumatla əlaqədar dərhal rayonun polis və prokurorluq orqanlarının əməkdaşları tərəfindən istintaq və əməliyyat tədbirləri görülüb.

Araşdırmalarla A.Taxvelinin münaqişə zəminində əri R.Taxveli tərəfindən qəsdən eyvandan atılması müəyyən edilib. Hadisədən sonra Ramiz Taxveli tutulub. Ona məxsus “Lexus” markalı avtomobilə baxış zamanı 5,647 qram marixuana aşkar edilərək götürülüb.

Qətlə yetirilən Adelya Taxveli “Atəşgah Sığorta” şirkətinin əməkdaşı olub. Onun anası Gənclər və idman naziri Azad Rəhimovun xalası qızıdır.

Qətli törədən Ramiz Taxveli isə “Buta Palas”ın art direktoru olub. O, Azərbaycan SSR Xalq Artisti Gülağa Məmmədovun qızının övladıdır.