Son xəbərlər:

Qarabağ İcmasının yeni İdarə Heyətinin üzvləri dəyişdi (SİYAHI)

Müsahibə8 yanvar 2019 14:17

Bir müddət öncə "Dağlıq Qarabağ Bölgəsinin Azərbaycanlı İcması”nın İdarə Heyətinə yeni sədr və müavinlər seçildi.

Modern.az-ın da xəbər verdiyi kimi, Dağlıq Qarabağın Azərbaycanlı İcmasının II qurultayında Xarici İşlər Nazirliyinin əməkdaşı Tural Gəncəliyev qurumun yeni sədri, Asif Cahangirovla, Elçin Əhmədovu isə sədr müavinləri oldular. Qurultaydan bbir aya yaxın vaxt ötməsinə baxmayaraq, İcmanın İdarə Heyətinin yeni üzvlərinin sihyahısı açıqlanmamışdı. Nəhayəıt buna da aydınlıq gətirildi.

Modern.az saytı "Dağlıq Qarabağ Bölgəsinin Azərbaycanlı İcması”nın İdarə Heyətinin yeni üzvlərinin siyahısını əldə edib.

İcmanın hazırkı İdarə Heyətində 23 üzv təmsil olunur. Vəfat etmiş keçmiş üzvlər Vahid Səfixanov, İlyas Həsənov, Cəlal Allahverdiyevin yerinə yeni simalar seçilib.

Onlardan başqa Vaqif Fərzəliyev, Həvva Məmmədova, Abbas Məlik-Yeqanov, Ramiq Məhərrəmov, Cavid Əliyev, Məhəmmədli Bayramov, Mehdi Abdullayev, Mehdi Mehdiyev, Şaban Qurbanov da İdarə Heyətinə üzvlükdən azad ediliblər.

"Dağlıq Qarabağ Bölgəsinin Azərbaycanlı İcması”nın İdarə Heyətindəki yeni üzvlərin siyahısını təqdim edirik:

S/s	Soyadı, adı, atasının adı	Təvəllüdü, doğulduğu yer	Yaşayış yeri	İş yeri və vəzifəsi
1.	Gəncəliyev Tural Babaşah oğlu	1980, Şuşa şəhəri	Bakı şəhəri	Azərbaycan Respublikası Xarici İşlər Nazirliyində Beynəlxalq Hüquq və müqavilələr idarəsində birinci katib
2.	Cahangirov Asif Əbülfət oğlu	1958, Ağcabədi rayonu	Bakı şəhəri	2018-ci ilədək Vergilər Nazirliyinin aparatının rəhbəri, Departament rəhbərinin müavini
3.	Əhmədov Elçin İldırım oğlu	1967, Şuşa şəhəri	Bakı şəhəri	AR Prezidenti yanında Dövlət İdarəçilik Akademiyasının professoru, siyasi elmlər doktoru
4.	Səfərov Bayram Əsəd oğlu	1951, Şuşa şəhəri	Bakı şəhəri	Şuşa Rayon Icra Hakimiyyətinin başçısı
5.	Bədəlbəyli Fərhad Şəmsi oğlu	1947, Bakı şəhəri	Bakı şəhəri	Bakı Musiqi Akademiyasının rektoru, professor
6.	Rzayev Rövşən Şükür oğlu	1962, Bakı şəhəri	Bakı şəhəri	Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədri
7.	Abdullayev Kamal Mehdi oğlu	1950, Bakı şəhəri	Bakı şəhəri	Azərbaycan Dövlət Dillər Universitetinin rektoru, akademik
8.	Polad Bülbül oğlu	1945, Bakı şəhəri	Moskva şəhəri	Azərbaycan Respublikasının Rusiya Federasiyasındakı fövqəladə və səlahiyyətli səfiri
9.	Adıgözəlzadə Murad Zöhrab oğlu	1973, Bakı şəhəri	Bakı şəhəri	Azərbaycan Dövlət Filarmoniyasının direktoru
10.	Usubov Şahmar Şahhüseyn oğlu	1953, Xocalı kəndi	Goranboy rayonu	Xocalı Rayon İcra Hakimiyyətinin başçısı
11.	Məmmədov Elman Camal oğlu	1950, Xocalı kəndi	Bakı şəhəri	Azərbaycan Respublikası Milli Məclisinin deputatı
12.	Bağırov Elməddin Mirzə oğlu	1981, Xocalı kəndi	Goranboy şəhəri	Xocalı rayon Gənclər və İdman idarəsinin rəisi
13.	Hüseynova Samirə Bakir qızı	1979, Xocalı kəndi	Bakı şəhəri	Xocalı şəhər 2 saylı tam orta məktəbinin müəllimi
14.	Ağayeva Dürdanə Allahverdi qızı	1972, Xocalı kəndi	Bakı şəhəri	Xəzər rayonu Buzovna qəsəbəsi rabitə şöbəsində rabitəçi
15.	Ələkbərov Ceyhun Vəkil oğlu	1976, Xocalı kəndi	Bakı şəhəri	Efiopiyanın Azərbaycanda fəxri konsulu, iş adamı
16.	Quliyev Qalib Bəyməmməd oğlu	1986, Xocalı kəndi	Gəncə şəhəri	"Xocalının səsi” qəzetinin baş redaktoru
17.	Hüseynov Eyvaz Mövsüm oğlu	1959, Xocavənd rayonu	Beyləqan rayonu	Xocavənd Rayon İcra Hakimiyyətinin başçısı
18.	Əliyev Ceyhun Şəfahət oğlu	1975, Xocavənd rayonu Kuropatkin kəndi	Bakı şəhəri	"PROSYS” (kompüter proqramlaşdırması) MMC-nin baş meneceri
19.	Cəfərov Fuad Fazil oğlu	1985, Xocavənd rayonu	Bakı şəhəri	"PAŞA Bank”ASC-nin eksperti
20.	Mövsümlü Nigar İlyas qızı	1998, Bakı şəhəri	Bakı şəhəri	"Unilever” istehsalatçı firmasında Azərbaycan və Gürcüstan ölkələri üzrə müdir müavini
21.	Qasımova Flora Qasım qızı	1947, Xankəndi şəhəri	Bakı şəhəri	Azərbaycan Respublikası Milli Məclisinin deputatı
22.	Vəliyeva Xatirə Yusif qızı	1965, Xankəndi şəhəri	Bakı şəhəri	Bakı şəhəri Tibbi Bədən Tərbiyəsi Dispanserinin həkim-laborantı
23.	Qafarov Ramiz Yapon oğlu	1961, Ağdərə rayonu	Bərdə rayonu	Ağdam RİH başçısının Yeni Qaralar kənd inzibati ərazi dairəsi üzrə nümayəndəsi

Dağlıq Qarabağ Bölgəsinin Azərbaycanlı İcması 1992-ci il martın 24-də ATƏM-in (ATƏT) Nazirlər Şurasının Helsinkidə keçirilən birinci əlavə görüşündə imzalanmış sənədin 9-cu bəndinə əsasən yaradılıb. ATƏM/ ATƏT-in Minsk qrupu təsis edilərkən Ermənistan və Azərbaycan münaqişə tərəfləri, Dağlıq Qarabağın azərbaycanlı və erməni icmasına isə münaqişənin nizama salınması istiqamətində aparılan danışıqlarda maraqlı tərəf kimi mandat verilib Bu mənada Dağlıq Qarabağın Azərbaycanlı İcması 1992-ci ildən başlayaraq müxtəlif vaxtlarda aparılan danışıqlarda iştirak edib.

2006-cı ildə Dağlıq Qarabağın azərbaycanlı icması ictimai birlik formasında Ədliyyə Nazirliyində qeydiyyata alınıb. 2009-cu il iyunun 5-də Bakı şəhərində icmanın I Qurultayı keçirilib. Həmin qurultayda Şuşa Rayon İcra Hakimiyyətinin başçısı Bayram Səfərov "Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi İdarə Heyətinin sədri və icmanın rəhbəri seçilib.

20 dekabr 2018-ci il tarixində qurumun II Qurultayı keçirilib, yeni sədr, müavinlər və İdarə Heyərti seçilib.

İcma Dağlıq Qarabağın 65 mindən çox olan azərbaycanlı əhalisini birləşdirən təşkilatdır.

İcmanın məqsədi Azərbaycanın ərazi bütövlüyünün bərpa edilməsinə və Dağlıq Qarabağdan didərgin düşmüş əhalinin öz doğma torpaqlarına qayıtmasına kömək göstərməkdir.

Mənbə: Modern.az